काठमाडौं । प्रतिनिधि सभा विघटन भएपछि उत्पन्न परिस्थितिपछि सत्तारुढ दल नेकपाका नेताहरू विभाजन प्रक्रियामा औपचारिक रूपमा प्रवेश गर्ने भएका छन् । दुवै पक्षले कोकता छन् भन्ने पहिचान गर्न आज केन्द्रीय समितिको आकस्मिक बैठक बोलाइकाे छ ।
पार्टीका कार्यकारी अध्यक्ष पुष्पकमल दाहाल/माधवकुमार नेपाल समूहको केन्द्रीय समितिले प्रधानमन्त्रीसमेत रहेका पार्टी अध्यक्ष केपी शर्मा ओलीलाई अनुशासनको कारबाही र निष्कासन निम्ति निर्णय लिने सम्भावना छ । प्रधानमन्त्री ओलीले विहान नौ बजे बालुवाटारमा बैठक बोलाएका छन् भने दाहाल/ नेपाल समूहले १ बजे कार्की पार्टी प्यालेस माइतीघरमा बैठक बोलाएको छ ।
नेकपा केन्द्रीय समितिमा ४ सय ४१ केन्द्रीय सदस्य छन् । तिनलाई दुवै पक्षले बैठकमा सहभागी हुन आमन्त्रण गरेका छन् । ओलीको पक्षबाट पार्टी कार्यालय सचिव ईश्वरी रिजालले ‘एसएमएसबाट लन्चसहित’ नौ बजे वालुवाटारमा बैठकको निम्ता गरेका हुन् ।
दाहाल/नेपाल पक्षबाट श्रीराम ढकालले ४ सय ४१ जनालाई कार्की पार्टी प्यालेस माइतीघरमा बोलाएका छन् । एमाले र माओवादी एकता हुँदा दुई पक्षबाट एक/ एकजना पार्टी सचिव राखिएको थियो । दुवै पक्ष केन्द्रीय समितिमा को कता छन् भन्ने गणितीय हिसाबमा छन् । प्रारम्भिक हिसाबअनुसार, दाहाल/नेपालतिर ३ सय ६ जना देखिएका छन् भने ओलीतिर १ सय ३५ मात्र भएको आँकलन छ ।
पार्टी एकता हुँदा केन्द्रीय कमिटीमा एमालेबाट २सय ४१ र माओवादीबाट २ सय सदस्य थिए । त्यो तथ्यांकअनुसार, पूर्वएमालेका सदस्यहरूमध्ये नेपालतिर ११० र ओलीतिर १३१ सदस्य भएको अनुमान गरिएको छ ।
दाहाल पक्षधर (पूर्वमाओवादी) बाट २ सय जना केन्द्रीय सदस्य बनेकामध्ये रामबहादुर थापातिर २२ थिए । थापा पक्षका २२ मध्ये थापा र उनका सहयोगी केन्द्रीय सदस्यबाहेक अन्य २० जना दाहाल(नेपाललाई समर्थन गर्ने सम्भावना देखिएको छ ।
पार्टी विभाजननिम्ति केन्द्रीय समितिमा ओली समूहको ४० प्रतिशत सदस्य नपुग्ने देखिन्छ । संसद विघटन भइसकेको परिस्थितिमा केन्द्रीय समितिमा ४० प्रतिशत पु¥याउन नसकेको खण्डमा विभाजन होइन कि ‘चोइटिएको पार्टी’ मात्र बन्नेछ र निर्वाचन आयोगबाट बैधता प्राप्त गर्ने छैन ।
पार्टी विभाजनसँगै ‘सूर्य चिन्ह’का निम्ति विवाद सिर्जना हुने निश्चित छ । पार्टी एकतासँगै नेकपाको चुनाव चिन्ह सूर्य हुने गरी निर्वाचन आयोगमा दर्ता भएको छ । त्यसअतिरिक्त निर्वाचन आयोगमा केन्द्रीय समितिका सदस्यहरूको नामावली दर्ता छ । आयोगले पूर्ववतः दर्ता भएको सूचिअनुरुप बहुमत जता हुन्छ, उसैको पक्षमा पार्टीको नाम, झण्डा र चुनाव चिन्ह दिनुपर्ने हुन्छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१