जलविद्युतकाे हब गण्डकीमा अर्धजलाशययुक्त ठूलो परियोजना सुरु हुने भएको छ । मनाङ जिल्लामा बन्ने १ सय ३५ मेगावाटको मनाङ् मर्स्याङ्दी आयोजनाका लागि विद्युत् नियमन आयोगले प्रक्रिया अगाडि बढाएको छ ।
यसका लागि आयोगले पुस ९ गते सार्वजनिक सुुनुवाइ तय गरेको छ । स्थानीयस्तरमै गर्नुपर्ने सार्वजनिक सुनुवाइ भर्चुअल माध्यमबाट हुँदैछ ।
आयोगका अनुसार आयोजनाको कुल लागत ३२.२९ करोड अमेरिकी डलर अनुमान गरिएको छ । आयोजना निर्माणपश्चात् हिउँदमा पनि दैनिक १.६६ घण्टा पूर्णक्षमतामा विद्युत् उत्पादन गर्न सकिनेछ । विद्युत् माग धान्न हिउँदमा अहिले पनि भारतबाट विद्युत् आयात भइरहेकोमा सो अर्धजलाशययुक्त आयोजनाले नेपाललाई ऊर्जामा आत्मनिर्भर बनाउन सहयोग गर्ने आयोगका अधिकारीको विश्वास छ ।
बुटवल पावर कम्पनीसहित चिनियाँ लगानीकर्ता एससिआइजी इन्टरनेसनल, सिंगछेङ् इन्टरनेसनल तथा क्युवाइइसी इन्टरनेसनलको संयुक्त पहलमा यो आयोजना बन्न लागेको हो ।
उक्त क्षेत्रमा विगतमा ६ सय मेगावाट क्षमताको आयोजना निर्माण गर्ने अनुमतिपत्र प्राप्त गरेको भारतीय कम्पनी जिएमआर पछि हटेको थियो । जिएमआरले आयोजनासम्बन्धी अधिकार बुटवल पावर कम्पनी र चिनियाँ लगानीकर्ताको समूहलाई हस्तान्तरण गरेर फर्केको हो ।
उक्त क्षेत्रमा १ सय ३५ मेगावाटको मनाङ् मस्र्याङ्दीसहित झण्डै ६ सय मेगावाट बिजुली उत्पादन हुने गरी ३ आयोजना बन्ने सक्ने सम्भाव्यता अध्ययनबाट पुष्टि भइसकेको छ । जसअन्तर्गत क्यासकेड आयोजनाको रुपमा १ सय ३९.२ मेगावाटको तल्लो मनाङ् मस्र्याङ्दी आयोजना समेत निर्माण हुनेछ । जसले मनाङ् मस्याङ्दी आयोजनाको विद्युत्गृहबाट निस्केको पानी नदीमा नछोडी पुनः प्रयोग गरी विद्युत् उत्पादन गर्नेछ ।
आयोजनाको विद्युत् खरिदबिक्री सम्झौता सम्पन्न हुने प्रक्रियामा रहे पनि यस क्षेत्रमा प्रसारण लाइनको समस्या भने यथावतै छ । मनाङ् मस्याङ्दी आयोजना सम्पन्न हुँदासम्म नेपाल विद्युत् प्राधिकरणले प्रसारण लाइन बनाउन नसकेमा आयोजना निर्माणकर्तालाई क्षतिपूर्ति प्राधिकरणले तिर्नुपर्ने छ ।
कुनै पनि आयोजनाको विद्युत् खरिद सम्झौतामा हस्ताक्षर भएपश्चात् मात्र आयोजना निर्माणको लागि ऋण सम्झौता हुने बाटो खुल्दछ । विद्युत् आयोजनाको लागतमध्ये सामान्यतया ७०÷८० प्रतिशतसम्म ऋण लगानी रहने भएकाले ऋण लगानी सुनिश्चितपछि आयोजनाको भौतिक निर्माण सुरु हुनेछ ।
एक सय मेगावाटसम्मका जलविद्युत् आयोजना हकमा पूर्वनिर्धारित ‘पोस्टेड रेट’ लागू हुने व्यवस्था छ । त्योभन्दा बढी क्षमताका आयोजनाबाट उत्पादन हुने विद्युत्को खरिदबिक्री दर विद्युत् नियमन आयोगले निर्धारण गर्ने प्रावधान छ । विद्युत् नियमन आयोगद्वारा जारी विद्युत् खरिदबिक्री तथा अनुमतिप्राप्त व्यक्तिले पालना गर्नुपर्ने शर्तसम्बन्धी विनियमावली, २०७६ को दफा ८ मा उक्त व्यवस्था छ ।
आयोजनाका सरोकारवालालाई सम्मिलित गराई सार्वजनिक सुनुवाइपछि आयोजनाको विद्युत् खरिद दर निर्धारणका साथै विद्युत् खरिद सम्झौतामा हस्ताक्षर हुनेछ । साथै आयोगले विद्युत् खरिद दर निर्धारण गर्दा विद्युत् उत्पादकको प्रतिफल १७ प्रतिशत नबढ्ने गरी विद्युत् खरिदबिक्री दर निर्धारण गर्नुपर्ने प्रावधान छ ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
वैशाख २०, २०८१पोखराको चाउथेमा बिजुली पसलमा आगलागी हुँदा १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१