पोखरा, २३ असाेज । फोर्स मोटर्सको लागि नेपालको आधिकारिक बिक्रेता हिमालय अर्गनाइजेसनअन्तर्गत आयाम इन्टरकन्टिनेन्टल र माछापुच्छ«े बैंकबीच सहकार्यबारे सम्झौता भएको छ ।

आयाम इन्टरकन्टिनेन्टलतर्फबाट अध्यक्ष ध्रुवबहादुर थापा र बैंकका तर्फबाट गण्डकी प्रदेश प्रमुख दिनेश दवाडीले बिहीबार एक कार्यक्रमबीच सम्झौतापत्रमा हस्ताक्षरण गरेका हुन् ।

आयामले ६ वर्षदेखि नेपालमा फोर्स मोटर्सका गाडीहरु बिक्री वितरण गर्दै आएको छ । काठमाडौं, हेटौंडा, पोखरा र इटहरिमा आयामको आफ्नै शोरुम छन् ।

नेपालका विभिन्न सहरमा डिलर नेटवर्क विस्तार गरी फोर्सका गाडी बिक्री वितरण भइरहेको र बैंकसँगको सम्झौताले ग्राहकलाई थप सुविधा उपलब्ध हुने आयाम इन्टरकन्टिनेन्टलका अध्यक्ष ध्रुव थापाले बताए ।

फोर्स मोटर्सका गाडी खरिद गर्ने ग्राहकलाई बैंकले देशभरका शाखाबाट सहज रुपमा ७५ प्रतिशतसम्म फाइनान्स सुविधा उपलब्ध गराउने बैंकका प्रदेश प्रमुख दिनेश दवाडीले बताए ।

हिमालय अर्गनाइजेसन पोखराको प्रतिष्ठित व्यावसायिक घराना भएकाले अन्य व्यावसायिक क्षेत्रमा पनि सहकार्य गर्न सकिने शाखा प्रबन्धक प्रदीप श्रेष्ठले बताए ।

धेरै सिट क्षमता, इञ्जिन वारेन्टी ३ वर्ष वा ३ लाख किमी, मर्सिडिज इन्जिनको लाइसेन्सप्राप्त लगायत विशेषताले फोर्स मोटर्सप्रति ग्राहकको आकर्षण बढेको निर्देशक नीरन केसीको दाबी छ ।