सेतीनदीमा आएको बेमौसमी बाढीको लोक एल्वम बजारमा निकालेर चर्चा कमाएकी गायिका साबित्री गिरीको तीजेगीत भाइरस निस्क्यो बजारमा आएको छ ।

उनको कोरोना भाईरस संक्रमण र यसबाट बच्ने बारेमा तीजगित बजारमा आएको हो । यसकासाथै उनको मै माग्थे बलापन बोलको गीत पनि बजारमा आएको छ ।  उनका गीत पौराणिक ढाँचाको लोकलय र तीजको भाकामा संरचित रहेका छन् ।

कास्कीको राजाको चौतारा निवासी गिरिले यसअघि अल्झिए नजर, भयो जे हुनु , सेतै फुल्यो काँस, मेलैमा सरर दोहोरी खेलैमा, मकै खायो घुनले जस्ता लोकगीत तथा छमछ्म नाचनी हो, छाता ओझेल पारी, काठमाडौ जाँदा, चौबन्दी चोली, सेतीबाढी , भूकम्प जस्ता गीत बजारमा ल्याइसकेकी छन । उनका आधुनिक गीत सिसा होस या दिल र घामले पोल्यो पनि चर्चामा रहेका गीत हुन ।

उनका हालसम्म बजारमा आएका गीतमध्ये चारवटामा आफ्नै शब्द सङ्गीत र स्वर रहेको छ भने बाँकी गीतमा खड्ग गर्बुजा, राजु परियार, रामजी खाड, बिष्णु माझी , देवी घर्ती, राधिका हमाल, ज्योति गिरीलगायतले स्वर दिएका छन् ।