पोखरा । गएरातिदेखि अविरल वर्षेको पानी अझै रोकिएको थिएन । तैपनि साउन सोमबार भएकोले अञ्जु गुरुङ भगवान् शिवको पूजाआराधनाका लागि मन्दिर जाने निधो गरिन् । सखारै उठेकी उनी आफ्ना २ साथीलाई पनि फोन गरिन् । साथीहरु उनीको प्रस्तावमा सहमत हुँदै फेवाताल किनारको केदारेश्वर मन्दिर जान राजी भए । रेनकोट लगाएका उनीहरु स्कुटर चढेर अञ्जुको घरै पोखरा मियाँपाटन आए । त्यतिबेलासम्म ६ बजिसकेको थियो ।
अञ्जुले पनि आफ्नो स्कुटर चढिन् । पोखरा १, गाईघाटस्थित सेदीनदी किनारबाट पवित्र जल उठाएर २ स्कुटरमा हुँइकिँदै २०÷२२ वर्षका ३ युवतीहरु साढे ७ बजेतिर केदारेश्वर मन्दिर पुगे । तर मन्दिरको मूलगेटमै ताला लगाइएको थियो । सुरक्षामा तैनाथ प्रहरीसमक्ष मन्दिर प्रवेशको लागि अनुनय गरे । तर कोरोना भाइरस संक्रमण जोखिमका कारण प्रवेश दिइएन । उनीहरु निराश बने । मन्दिरको बाहिरी गेट छेउमै धूपबत्ती बाले । र, भगवान् शिवको नाममा जल चढाएर फर्किए ।
अञ्जु र उनका साथीहरुमात्रै हैन, यहाँ सोमबार बिहानभर झण्डै १ हजार जति श्रद्धालु भक्तजन निराश हुँदै फर्किएका छन् । वर्षाका कारण रुझ्दै भिज्दै जसोजसो मन्दिर गेट पुगेका उनीहरु यसरी फर्किन बाध्य भएका हुन् ।
पछिल्लो समय पोखराको केदारेश्वर मन्दिर बोलबमधाम रुपमा चर्चित छ । झण्डै २ दशकदेखि यहाँ बोलबम मेला लाग्छ । मन्दिरमा हजारौं मानिसहरु साउनको हरेक सोमबार भगवान् शिवको पूजाआजा गरी शिवलिङ्गमा जल चढाउन हुल बाँधेर आउँछन् । यसपालि भने कोरोनाले सो हुल छेकिन गएको हो । तैपनि मानिसहरु लकडाउन हटिसकेको अवस्थामा मन्दिर प्रवेश पाइन्छ कि भनी आउन छोड्दैनन् ।
यसबारेमा केदारेश्वर महादेवमणि सेवाश्रम समितिले पनि आधिकारिक सूचना जारी गरिसकेको छैन । सरकारले भने कोरोना जोखिम भन्दै मठमन्दिरहरुमा गत चैत ११ देखि लगाएको भीडभाड तथा पूजाआजामा लकडाउन अझै खुला गरेको छैन ।
मन्दिरमा अघिल्लो साता साउन पहिलो सोमबार भने केही संख्यामा भक्तजन मन्दिर प्रवेश गरी फर्केका थिए । केही घण्टाको लागि खुला गरिएको पूजाआजा यो साता भने प्रशासन आफैले मन्दिर व्यवस्थापन समिति नाममा सूचना टाँस गरी प्रवेशमा रोक लगाएको हो । भक्तजनले मन्दिर जान अटेर गरेपछि प्रहरीले केहीलाई त लाठीचार्ज गरेर धपाएको थियो ।
यस सम्बन्धमा मन्दिर व्यवस्थापन समिति सचिव खिमबहादुर पहारीले सामाजिक दूरी कायम गरी पूजाआजामा छुट गर्नुपर्ने जिकिर गर्दछन् । मन्दिरकै लागि भनी टाढाटाढाबाट भक्तजन आउने हुँदा यहाँ आएर गेटबाट फर्काउन नहुने उनको तर्क छ । आफूहरुलाई बिना जानकारी प्रशासन आफैले आएर मन्दिरको नाममा सूचना टाँस गरेको उनले बताए ।
मन्दिरमै भेटिएका विश्व हिन्दू महासंघ कास्कीका पूर्व सल्लाहकार विष्णुबहादुर राजभाटले धार्मिक आस्थाको केन्द्र केदारेश्वरको गेटबाट प्रशासनले भक्तजन फर्काउन नहुने बताए । ‘रोक लगाउनु नै अर्थपूर्ण हैन । प्रहरी प्रशासन र स्वयंसेवक सहयोगमा आवश्यक दूरी कायम गरी पूजाआजा खुला गरिनुपर्छ,’ उनले भने ।
‘बोलबमको ध्वनीले, शान्ति पाउन् साराले’ भन्ने मूलमन्त्रका साथ विगत वर्षमा सेती किनार गाईघाटबाट भक्तजन बाजागाजाका जल चढाउन मन्दिर पुग्ने गर्दथे । सेतीकिनार गाईघाटमा १०८ धारामा स्नान, ८ किमी पैदलयात्रासहित केदारेश्वर मन्दिरमा १०८ शिवलिङ्गमा जलार्पण गर्न पाइने हुँदा ८ संयोगका कारण केदारेश्वर चर्चित बन्दै गएको हो ।
Related News
सम्बन्धित समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
hero news full width
मुख्य समाचार
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१