पोखरा । स्पेनिस लिग फुटबलमा रियाल मड्रिडले शिर्ष स्थान बनाएको छ ।
लिगमा ६ खेल मात्रै बाँकी रहेको अवस्थामा रियाल मड्रिडले सदाबहार प्रतिद्धन्दी बार्सिलोनासँग महत्वपूर्ण अग्रता लिएको छ । आइतबार राति भएको खेलमा ला लिगाको पुछारमा रहेको क्लब इस्पानियोलमाथि १–० को संघर्षपूर्ण जित निकाल्दै रियाल मड्रिड शीर्ष स्थानमा फर्किएको हो ।
अवे मैदानमा निकालेको यो जितसँगै रियाल मड्रिडले दोस्रो स्थानमा झरेको बार्सिलोनासँग २ अंकको दुरी बनाएको छ । इस्पानियोलविरुद्धको खेलमा रियाल मड्रिडलाई विजयी गराउन ब्राजिलियन खेलाडी कासेमिरोले निर्णायक गोल गरे । जितपछि रियाल मड्रिडको ३२ खेलबाट ७१ अंक भएको छ । रियाल मड्रिड सन् २०१२ यता पहिलो पटक ला लिगाको उपाधि खोजीरहेको छ ।
स्पेनिस ला लिगामा रियल मड्रिड शीर्ष स्थानमा उक्लिएपछि बार्सिलोनालाई यस सिजनको ला लिगा उपाधि होड महङ्गो बनेको छ । जारी ला लिगाको ३२ खेलबाट रियल मड्रिडले ७१ अंक बनाउँदा समान खेलबाट दोस्रो स्थानको बार्सिलोनाको ६९ अंक छ ।
पछिल्लो दुई खेलमा बार्सिलोनाले बराबरी खेलेपछि शीर्ष स्थानका लागि चुकेको हो । शनिबार राति भएको खेलमा बार्सिलोना र सेल्टा भिगोले बराबरी खेलेपछि बार्सिलोनाले ला लिगाको शीर्ष स्थान ओगट्ने अवसर गुमाएको हो ।
दुई पटक अग्रता लिए पनि त्यसलाई जोगाउन नसक्दा बार्सिलोनाले सेल्टालाई उसैको घरेलु मैदानमा हराउँने मौका गुमायो र अन्ततः २–२ को बराबरीमा रोकिन बाध्य बन्यो ।
खेलको २० औं मिनेटमा बार्सिलोनाले स्वारेजको गोलमा सुरुवाती अग्रता लिएको थियो । बार्सिलोना कप्तान मेस्सीले झन्डै २२ यार्ड टाढाबाट प्रहार गरेको फ्रीकिकमा स्वारेजले ६ यार्ड बक्स अगाडीबाट हेडरमार्फत गोल गरेका थिए ।
दोस्रो हाफको सुरुवाती समयमा नै घरेलु टोलीले स्कोर बराबर ग¥यो । खेलको ५० औं मिनेटमा फेडोर स्मोलोभले गोल गर्दै सेल्टालाई खेलमा फर्काए । ओके योकुस्लुले जेरार्ड पिकेको चुनौती पार गर्दै दिएको पासमा अनमार्क रहेका स्मोलोभले सहजै गोल गरेका थिए ।
खेलको ६७ औं मिनेटमा स्वारेजले व्यक्तिगत दोस्रो गोल गर्दै बार्सिलोनालाई पुनः दोस्रो पटक अग्रता दिलाए । मेस्सीले पेनाल्टी क्षेत्रभित्र दिएको पासलाई स्वारेजले डिफेन्सलाई चिर्दै उत्कृष्ट टर्नमा गोल गरेका थिए ।
निर्धारित समयको ३ मिनेट बाँकी रहँदा सेल्टाले पुनः खेल बराबरीमा ल्यायो । सेल्टाका कप्तान इयागो आस्पासले पेनाल्टी क्षेत्रको ठिक बाहिर प्राप्त फ्रीकिकलाई सिधै गोलमा परिणत गर्दै खेल २–२ को बराबरीमा ल्याए ।
Related News
सम्बन्धित समाचार
हिमालयनलाई वडाध्यक्ष कप
थ्रिस्टार सेमिफाइनलमा प्रवेश
थण्डरबोल्ट क्वाटरफाइनलमा, संकटा पराजित
पोखरा अन्तर्राष्ट्रिय म्याराथन सफल पार्ने पत्रकारको प्रतिबद्धता
हिसानको फुटसल सुरु
hero news full width
मुख्य समाचार
पूर्वराजा ज्ञानेन्द्र पोखरामा
गण्डकी धौलागिरी पेट्रोलियममा मोहन
माघ २८, २०८१सम जयन्तीमा रंगकर्मीको सम्मान
माघ २८, २०८१बार काउन्सिल पार्षद् सदस्यमा दयाराम गौतम निर्वाचित
माघ २६, २०८१‘ब्याक टु नाइन्टिज’ आज, पोखराका चर्चित ७ ब्याण्ड एकै स्टेजमा
माघ २६, २०८१बेलायती अधिराजकुमार र अधिराजकुमारीद्वारा परेड अवलोकन
माघ २५, २०८१