पोखरा, २२ जेठ । सरकारले लकडाउनको समयमा अनिवार्य कर तिर्न उर्दी जारी गरेपछि व्यवसायीहरु आक्रोसित भएका छन ।

राष्ट्रिय उद्योग ब्यापार महासंघ, गण्डकी प्रदेशले पनि सरकारको र्निणयको कडा बिरोध गरेको छ । विश्वनै कोरोना कहरको कारण लकडाउनमा रहेको अबस्थामा व्यवसायीले कर तिर्ने नसक्ने भन्दै महासंघले बिरोध गरेको हो । महासंघका गण्डकी प्रदेशका अध्यक्ष प्रवेशचन्द्र उप्रतीले एक विज्ञप्ति प्रकाशित गरी राज्यसंयन्त्र यति धेरै निरिह नबन र व्यवसायीमाथि र्निमम नहुन आग्रह गरेका छन ।

गत चैत्र महिनाबाट व्यवसाय ठप्प छ । दालभातको जोहो गर्ने बाहेक अरु काम कहिँकतै भएको छैन । अहिलेसम्म्को घरभाडा बंैकको ब्याज त छँदैछ त्यसमाथि पनि राज्यले तानाशाही शैलीमा व्यवसायीमाथि फेरि ज्यादती गरेको छ ।