साधन राम्जाली -म्याग्दी ।विश्वब्यापी महामारीको रुपमा फैलिएको कोरोना भाइसरका कारण बुधबार स्थिगत भएको माध्यामिक शिक्षा परीक्षा(एसईई)मा सहभागी हुन केन्द्रमा पुगेका विद्यार्थीलाई म्याग्दीका स्थानीय तहले आर्थिक सहयोग गर्ने भएका छन् । जिल्लाको धवलागिरि ,अन्नपुर्ण र रघुगंगा गाउँपालिकाले विकट क्षेत्रबाट पैदल र सवारीसाधनको प्रयोग गरी परीक्षा केन्द्रसम्म आइपुगेका विद्यार्थीलाई आर्थिक सहयोगको घोषणा गरेको हो ।
धवलागिरि गाउँपालिकाले टाढा–टाढाका विद्यालयबाट एसईइ परीक्षामा सहभागी हुनका लागि परीक्षा केन्द्रमा आएका विद्यार्थीलाई खाजा, खानाका लागि गाउँपालिकाले दश÷दश हजार रुपैयाँ विद्यालयलाई उपलब्ध गराउने गाउँपालिकाका अध्यक्ष थमसरा पुन मगरले जानकरी दिइन् । धवलागिरि गाउँपालिकाको ९ वटा विद्यालयका विद्यार्थीका लागि हेम मावि शिवाङमा परीक्षा केन्द्र कायम भएको थियो । हेम माविका विद्यार्थीका लागि भने मालिका गाउँपालिकाको जनप्रिय मावि दरवाङमा केन्द्र तोकिएको छ ।
जंगल, भीरको हिउँको पहाड छिचोलेर पुरै दिन पैदल हिडेर खिवाङ आइपुगेका विकट गुर्जाको जनकल्याण माविका विद्यार्थीका लागि एक दिन शिवाङमा विश्राम गर्न, आउन र फर्कदा सादा खानामा हुने खर्च गाउँपालिकाले ब्यहोर्ने भएको छ । गुर्जाका बिरामी भएमा सामान्य उपचार खर्चको समेत व्यवस्था गरिने भएको छ । अध्यक्ष पुनका अनुसार उपाध्यक्ष रेशम छन्त्याल, प्रमुख प्रशासकीय अधिकृत गोविन्द सुनार, कार्यपालिका सदस्य, शिक्षा र लेखा शाखाका कर्मचारीहरुसंग परामर्श गरेर आकस्मिक रुपमा निर्णय गरिएको हो ।
यसैगरी रघुगंगा गाउँपालिकाले यातायात तथा खाना खर्च बापत भौगोलिक विकटताको आधारमा परीक्षाको अन्तिम समयमा स्थगित भएपछि ८ वडामा रहेका विद्यालयका विद्यार्थीलाई नै पुग्ने गरी घरबाटै सहभागी हुनेलाई प्रती विद्यार्थी १ हजार र परीक्षा केन्द्र आसपास बसेर परीक्षा दिनेलाई प्रति विद्यार्थी १५ सय उपलब्ध गराइएको गाउँपालिकाका अध्यक्ष भबबहादुर भण्डारीले बताए ।
‘विद्यालयभित्र परीक्षाको तयारी कक्षा सञ्चालनमा आवश्यक वातावरण बनाउँछौ,‘थप आवश्यक परेमा सम्बन्धित विद्यालयसँग समन्वय गर्नेछौ,अध्यक्ष भण्डारीले भने । ’ रघुगंगा गाउँपालिकामा १ सय ६९ विद्यार्थीमध्ये मुक्तिनाथ माविका ७७ जना विद्यार्थीको केन्द्र बेनीमा छ भने बाँकीले भगवती परीक्षा केन्द्रबाट परीक्षा दिदै थिए । जिल्लाको उत्तरी अन्नपूर्ण गाउपालिकाले पनि माध्यमिक शिक्षा परीक्षा (एसईई) मा सहभागी हुन परीक्षा केन्द्रमा पुगेका विद्यार्थीहरुलाई खाना खर्च सहयोग गर्ने भएको छ ।
गाउँपालिकाका अध्यक्ष क्याप्टेन डमबहादुर गर्बुजा पुनको अध्यक्षतामा बिहीबार बिहान बसेको आकस्मिक बैठकले एसईईमा सहभागी हुन परीक्षा केन्द्रमा पुगेका विद्यार्थीहरुलाई प्रतिविद्यार्थी एक हजार रुपैयाँका दरले सहयोग गर्ने निर्णय गरेको हो । मुक्तिमार्ग मावि घारबाट सहभागी हुने ११८ जना र बेनीको परीक्षा केन्द्रका ५० जना विद्यार्थीलाई सम्बन्धित विद्यालय मार्फत खाना खर्च वापत प्रति विद्यार्थी एक हजार रुपैयाँका दरले सहयोग गर्ने निर्णय भएको प्रमुख प्रशासकीय अधिकृत नवीन सुवेदीले जानकारी दिए ।
अन्नपूर्ण गाउपालिकाको कैलाश मावि दोवा, सर्वोदय मावि भुरुङ्ग तातोपानी, ज्ञानप्रकाश मावि दाना, प्रभा मावि नारच्याङ, शिख मावि शिख, पाउद्धार मावि, टिकोट मावि र आदर्श माविका विद्यार्थीका लागि घारको मुक्तिमार्ग माविमा परीक्षा केन्द्र तोकिएको छ । हिमाञ्चल मावि नांगी र मुक्तिमार्ग माविका विद्यार्थी सदरमुकाम बेनीको परीक्षा केन्द्रबाट सहभागी हुन्छन् ।
Related News
सम्बन्धित समाचार
मर्दीखोला प्रतिष्ठानद्वारा शैक्षिक सामग्री र छात्रवृत्ति वितरण
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
कक्षा १२ को प्रश्नपत्र आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१