पोखरा, ११ फागुन । नेकपाको सरकारमाथि निगरानी राख्न नेपाली कांग्रेसको छायाँ मन्त्रिपरिषदको पहिलो बैठक आइतबार सम्पन्न भएको छ । सरकारमाथि निगरानी गर्न भन्दै जेठमा छायाँ सरकार बनाएको कांग्रेसले अहिलेसम्म बैठक नै राखेको थिएन । तर आइतबार संसदीय दलका नेता शेरबहादुर देउवाले प्रतिनिधिसभाका प्रमुख सचेतक, सचेतक र राष्ट्रियसभा संसदीय दलका नेतासहित मन्त्रालयगत समितिका संयोजकहरुको बैठक बोलाएको थिए ।
बैठकमा उपस्थित छायाँ मन्त्रीहरुले अहिलेसम्म गरेका कामकारबाहीबारे रिपोर्टिङ गरेका छन् । त्यसक्रममा कतिपयले समितिका सदस्यहरु सक्रिय नभएको गुनासो गरेका छन् भने कतिले अझै सक्रिय हुनुपर्नेमा जोड दिएका थिए । पार्टी सभापति एवं संसदीय दलका नेता देउवाले मन्त्रालयहरुको भ्रष्टाचार खोज्न निर्देशन दिएका छन् । ‘निवर्तमान सञ्चारमन्त्री गोकुल बास्कोटाको अडियो भ्रष्टाचार कति भइरहेको छ भन्ने प्रमाण हो’ देउवाले भनेका छन् ‘यस्तो भ्रष्टाचार अरु मन्त्रालयमा पनि भइरहेको छ । त्यसको खोजी गर्नुस् ।’
त्यसका लागि नै छायाँ मन्त्रीहरु बनाएको भन्दै उनले सक्रिय हुन निर्देशन दिएका छन् । प्रमुख सचेतक बालकृष्ण खाँडले छायाँ सरकार कहाँ छ भनेर खोजी हुन थालेको भन्दै अब सबै सक्रिय हुनुपर्ने बताए । यदि समितिमा भएका केही सक्रिय भएका छैनन् भने उनीहरुलाई हटाएर सक्रियहरुलाई राख्नुपर्नेमा उनको जोड थियो ।बैठकपछि राष्ट्रियसभा संसदीय दलका नेता सुरेन्द्रराज पाण्डेले भने, ‘सञ्चारमा जस्तै अन्य मन्त्रालयमा पनि नीतिगत भ्रष्टाचार भएका छन् । यसबारे सम्बन्धित छायाँ मन्त्रीहरुले गहन अध्ययन गरेर रिपोर्टिङ गर्ने निर्णय भएको छ ।’
Related News
सम्बन्धित समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१