१. गण्डकी प्रदेश सरकारले प्रा.डा. गणेशमान गुरुङलाई गण्डकी विश्वविद्यालयको प्रथम कुलपतिमा नियुक्त गरेको छ । प्रदेश सरकारहरुले आ आफ्नै विश्वविद्यालय सञ्चालन गर्ने प्रतिबद्धता त व्यक्त गरेका छन् तर गण्डकी प्रदेशले झैं कुलपति नै नियुक्त गरेका छैनन् । त्यस हिसावले गण्डकी प्रदेश सरकार पहिले भएको छ ।
२. गण्डकी प्रदेशको अर्को विशेषता के पनि भएको छ भने त्यसले मुख्यमन्त्रीलाई पदेन कुलपति नबनाएर कुलपतिमा छुट्टै व्यक्तिलाई चयन गरेको छ । यसबाट एउटा राम्रो कामको थालनी भएको छ । यसलाई मुख्यमन्त्री पृथ्वीसुब्बा गुरुङको सकारात्मक सोचको परिणामका रुपमा लिइएको छ ।
३. कुलपति गुरुङ त्रिभुवन विश्वविद्यालयमा लामो समय काम गरेर प्रशस्त अनुभव हासिल गरेका व्यक्ति हुन् । शैक्षिक प्रशासनका सम्बन्धमा उनी धेरै जानकार रहेका छन् । उनको कुशल नेतृत्वमा विश्वविद्यालयले प्राज्ञिक उन्नयनको क्षेत्रमा महत्वपूर्ण उपलब्धि हासिल गर्ने अपेक्षा गरिएको छ ।
४. गण्डकी विश्वविद्यालय कहाँ स्थापना हुन्छ भन्ने निक्र्यौल भएको छैन । स्थान नै निश्चित नभएको अवस्थामा अरु केही हुने कुरै भएन । यस्तो अवस्थामा नियुक्त भएका कुलपतिले धेरै काम गर्नु पनि पर्दछ र आफूले भने अनुसारको विश्वविद्यालय बनाउने वातावरण पनि बन्न सक्दछ । उनको सामु यो चुनौती पनि हो र अवसर पनि ।
५. आजको विश्वविद्यालयले प्रदेश र देशलाई आवश्यक पर्ने जनशक्तिको उत्पादन गर्नुपर्दछ । सर्टिफिकेटलाई मात्र महत्व दिएर बेरोजागार बनाउने जनशक्ति देशको लागि वरदान हुनसक्दैन । देशको वर्तमान परिप्रेक्ष्यले त्यो प्रष्ट देखाएको छ । प्राविधिक र गुणस्तरीय शिक्षा अहिलेको आवश्यकाता हो ।
६. राजनीतिक पार्टीको हस्तक्षेपले गर्दा हाम्रा शिक्षण संस्थाहरु गिजोलिएको अवस्थामा छन् । त्यसमा पनि विद्यार्थी राजनीतिले विश्वविद्यालय प्रशासनलाई अप्ठ्यारोमा पारेको सर्वविदितै छ । बन्द हडतालले गर्दा पढाइको स्तर खस्कँदै गएको अवस्था छ । यी सवैलाई दृष्टिगत गरी नवनियुक्त कुलपति गुरुङले विश्वविद्यालयलाई राजनीतिबाट टाढा राख्ने जुन वचनबद्धता व्यक्त गरेका छन्, त्यो महत्वपूर्ण छ । त्यसलाई अक्षरशः कार्यान्वयन गरिनु पर्दछ ।
७. त्यसको साथै अर्को के पनि चुनैती छ भने । पोखरा विश्वविद्यालय नजिकै छ । विश्वविद्यालय नभए पनि विश्वविद्यालयजस्तै पृथ्वीनारायण क्याम्पस पोखरामा छँदै छ । गण्डकी विश्वविद्यालय तिनीहरुको प्रतिस्पर्धीको रुपमा नआएको भएता पनि भोलि प्रत्यक्ष अप्रत्यक्ष प्रतिस्पर्धा गर्नु पर्ने अवस्था आउन सक्छ । त्यसका लागि शुरुदेखि नै तयार रहनु पहिलो आवश्यकता हो । काठमाण्डौ विश्वविद्यालय र पोखरा विश्वविद्यालयले धेरै समय विद्यार्थी राजनीतिलाई प्रवेश गर्न दिएका थिएनन् । त्यो कुरालाई नवनियुक्त कुलपति गुरुङले स्मरण गर्नुपर्दछ र शुरुदेखि नै त्यस्तो वातावरण निर्माण गर्नु पर्दछ । हामी नवनियुक्त गुरुङलाई हार्दिक बधाइ ज्ञापन गर्दछौँ । कार्यकाल पूर्णरुपले सफल होस् भन्ने हार्दिक शुभकामना प्रकट गर्दछौं ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१