पोखरा, ३ मंसिर । नेपाल कम्युनिष्ट पार्टी (नेकपा) गण्डकी प्रदेश अध्यक्ष हितराज पाण्डे (उत्तम)ले कास्की २ मा महिला नेतृत्व स्थापित गर्ने ऐतिहासिक अवसर प्राप्त भएको बताएका छन् ।
प्रतिनिधि सभा कास्की २ की उम्मेदवार विद्या भट्टराई अधिकारीलाई जिताएर कास्केली जनताले कास्कीमा महिला नेतृत्व स्थापित गर्नुपर्ने उनको भनाई थियो । विद्यालाई जिताउन आयोजित घरदैलोपछिको कोणसभालाई मंगलबार विहान सम्बोधन गर्दै उनले विद्या भट्टराई अधिकारी सशक्त नारी हस्ताक्षर भएको र उनी समृद्धिको बाहकसमेत भएकाले उनलाई स्थापित गर्ने अवसर सदूपयोग गर्नुपर्ने बताए ।
अध्यक्ष पाण्डेले कम्युनिष्ट बाहेक अरुले देश बचाउन नसक्ने ठोकुवा गरे । जतिपनि राष्ट्रघाती सम्झौता भएका छन् ती सबै कांग्रेसकै पालामा भएका छन्,‘उनले भने,‘त्यसैले देशलाई बचाउन कम्युनिष्टलाई जिताउनुको विकल्प छैन, कम्युनिष्ट बाहेक अरु कसैलाई देश बचाउन सक्दैन ।’ उनले कम्युनिष्टले मात्र देशको स्वाधिनता र राष्ट्रियता जोगाउन सक्ने बताए । कम्युनिष्ट नेतृत्वमा प्राप्त उपलब्धिलाई संस्थागत गर्नपनि कम्युनिष्ट उम्मेदवारलाई जिताउन आग्रह गरे ।
अध्यक्ष पाण्डेले २ वर्षअघी कम्युनिष्टलाई शालिन रुपमा जनताले म्याण्डेट दिएको र उपचुनावमा सोहि म्याण्डेटलाई अनुमोदन गर्नपनि कम्युनिष्टलाई नै भोट दिन आग्रह गरे ।उम्मेदवार विद्या भट्टराई अधिकारीले पोखरा क्षेत्रीय अन्र्तराष्ट्रिय विमानस्थल निर्माण गरेर पोखरालाई अन्र्तराष्ट्रिय रुपमा चिनाउने र जोड्ने पहल भइरहेको र त्यसको नेतृत्व रवीन्द्र अधिकारीले गरेकाले अब बाँकीकाम आफूले गर्ने बताइन् ।
पूर्वाधार विकास बिना समृद्धि सम्भव नरहेको बताउँदै उनले पोखरालाई भौतिक पूर्वाधारयुक्त बनाउन आफूसँग थुप्रै योजनाहरु रहेकाले सो योजना कार्यान्वयनका लागि आफूलाई मतदान गरेर बिजयी गराउन आग्रह गरिन् । विगतमा ३ पटक रवीन्द्रलाई पोखरेली जनताले दिएको विश्वासको मत यसपटकपनि जारी राखेर न्याय र समृद्धिको यात्रामा हातेमालो गर्न उनले आग्रह गरिन् । उनले आफू बिजयी भएर जनताको घरदैलोमा आइरहने र जनताको साथ, सहयोग र सुझावका आधारमा अघि बढ्ने प्रतिबद्धता व्यक्त गरिन् ।
यसैबीच, पोखरा २१ मा नेकपा पोखरा महानगर कमिटी अध्यक्ष दीपकको नेतृत्व जनता भेटघाट कार्यक्रम भइरहेको प्रचारप्रसार सहसंयोजक झपट रानाभाटले जानकारी दिए । जनता भेटघाट कार्यक्रममा नेकपाका जिल्ला सदस्यहरु, नेकपाका वडाध्यक्ष, पूर्व जनप्रतिनिधिहरुसहित स्थानीयको बाक्लो सहभागिता रहेको बताइएको छ ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१