हेमजा विकास निर्माण समन्वय समिति

आदर्श समाज सम्वाददाता
फागुन १४, २०७५
hemja bikash nirnad samiti_Fotor

हेमजा, १३ फागुन। पोखरा–२५, हेमजामा सम्पन्न भेलाले कृष्णबहादुर खड्काको संयोजकत्वमा हेमजा विकास निर्माण समन्वय समिति गठन गरेको छ।

समितिको सहसंयोजकमा इन्द्रप्रसाद त्रिपाठी, सचिवमा विजय तिमिल्सीना तथा सदस्यमा मनोज कार्की, शंकर त्रिपाठी, नवराज अधिकारी, इन्द्र कुँवर, मदन थापा, रमा त्रिपाठी, दुर्गा तिमिल्सीना र कृष्णमान श्रेष्ठ छन्।

उक्त भेलाले महेन्द्र बास्तोला, दीपेन्द्र बास्तोला, सोमनाथ बास्तोला र प्रविन थापालाई प्राविधिक सल्लाहकारको जिम्मेवारी दिएको छ।त्यस्तै भोजराज पौडेल, शिवकुमार श्रेष्ठ, मधुसुदन त्रिपाठी, दानबहादुर थापा, विश्वराज पौडेल, चिरञ्जीवी अधिकारी, माधवशरण पौडेल, दयाराम बास्तोला र धर्मराज बास्तोलालाई सल्लाहकारमा चयन गरेको छ। उक्त समितिले हेमजाको विकास निर्माणका भएका अनियमितताका बारेमा प्रत्यक्ष निगरानी एवम् खबरदारी गर्ने जनाइएको छ।

भेलालाई सम्बोधन गर्दै तत्कालीन हेमजा गाविस अध्यक्ष धर्मराज बास्तोलाले समितिले हाल हेमजा क्षेत्रमा निर्माणाधीन मध्यपहाडी लोकमार्गमा बढी निगरानी गर्नुपर्ने आवश्यकता औँल्याए। सडकमा विद्युत् पोल बुर्चे अवस्थामा रहेका, खानेपानी अस्तव्यस्त भएको, सहायक बाटो पनि समस्यामा परेका, नहर तथा कतिपय घर नै धरापमा परेको तर्फ संकेत गर्दै उनले त्यसको समाधानका लागि समितिले पहल गर्ने विश्वास व्यक्त गरे।

नेपाली काँग्रेस हेमजाका संयोजक मधुसुदन त्रिपाठीले लोकमार्गको गुणस्तरमा ख्याल गर्न आग्रह गर्दै सम्बन्धित निकायले गुणस्तर प्रमाणिकरण गर्नुपर्ने बताए।

त्यस अवसरमा नेकपामा वडा संयन्त्र सदस्य माधवशरण पौडेल, विष्णुपादुका क्लब अध्यक्ष कृष्णबहादुर खड्का, हेमजा युनाइटेड अध्यक्ष इन्द्रप्रसाद त्रिपाठी, नागरिक सरोकार समितिका कृष्णबहादुर कुँवर, स्थानीय महेन्द्र बास्तोला, श्रीराम त्रिपाठी, विश्वराज पौडेल, घनश्याम तिम्सिना, कृष्णमान श्रेष्ठ लगायतले पनि भनाइ राखेका थिए।उनीहरुले लोकमार्गमा डिपिआर अनुसार कार्य नभएको, पत्रे तथा बेसारे ढुंगाको प्रयोग गरिएको, डिजाइन फरक गरिएको, नहर, विद्युत्, ढल, खानेपानी व्यवस्थापनमा गञ्जागोल गरेको, कतिपय घर धरापका परेको तथा निर्माण संरचनामा माटो मिसाएको लगायतको गुनासो गरेका छन्।

त्यसैगरी मेलवोटदेखि माछापुच्छ्रे गाउँपालिका जोड्ने हाल स्तरोन्नति कार्य भइरहेको सडकमा पनि थुपै अनियमितता भएको उनीहरुको गुनासो छ।

Related News

सम्बन्धित समाचार

  • डुंगा पल्टिएपछि तत्कालै उद्धार

    विजय नेपाल वैशाख १८, २०८१
    पोखरा । सोमबार बिहान वाराही मन्दिर दर्शन गर्न जानेक्रममा हावाहुरीले फेवातालमा डुंगा पल्टिएको सूचना रेस्क्यु टावरमा आयो । सशस्त्र प्रहरीको…
  • मधेशका सभामुखको टोली महेन्द्रगुफामा

    आदर्श समाज सम्वाददाता वैशाख १७, २०८१
    पोखरा । पोखरा भ्रमणमा रहेका मधेश प्रदेशका सभामुख रामचन्द्र मण्डलले प्रसिद्घ महेन्द्र गुफाको अवलोकन गरेका छन् । गण्डकी प्रदेश सभाको…
  • प्रकटको स्मरणमा फिल्म ‘प्रतिबद्धता’ प्रदर्शन

    आदर्श समाज सम्वाददाता वैशाख १७, २०८१
    पोखरा । एड्स रोग नियन्त्रण संघ कास्कीको आयोजनामा चलचित्र प्रदर्शन, सहयोग हस्तान्तरण तथा श्रद्धाञ्जली सभा भएको छ । संघले साहित्यकार…
  • कैदीबन्दी न्यायिक सरोकारमा नलबहादुर मनोनित

    आदर्श समाज सम्वाददाता वैशाख १७, २०८१
    पोखरा । मानव अधिकार तथा कैदीबन्दी न्यायिक सरोकार मञ्च नेपाल संस्थाको केन्द्रीय सदस्यमा पोखराका नलबहादुर गुरुङ मनोनित भएका छन् ।…
  • आगोलागी नियन्त्रणसम्बन्धी सचेतना

    आदर्श समाज सम्वाददाता वैशाख १६, २०८१
    पोखरा । सामुदायिक सेवा केन्द्र एवं सामुदायिक प्रहरी सेवा पृथ्वीचोकको आयोजनामा गण्डकी प्रदेश विपद् व्यवस्थापन गुल्म बागलुङबाट प्रहरी निरीक्षक बाबुराम…

hero news full width