लमजुङ, १३ फागुन। सुन्दरबजार नगरपालिकाको नगरपालिका क्षेत्रमा चोरीका घट्न बढन थालेका छन्। इलाका प्रहरी कार्यलयदेखि करिब एक/डेढ सय मिटरको दुरीमा रहेका पसलमा चोरी भएबाट बजारबासीले असुरक्षाको अनुभूति गरेको बताएका छन्।
सुन्दरबजार नगरपलिका– ६ को फिल्महल लाइनमा सञ्चालित सुन्दरबजार हार्डवेयरको सटर फोरेर सोमबार राति नगद चोरी भएको छ । सोही वडाको मिलनचोकमा सञ्चालित न्यूआरजे. मोबाईल पसलको सटरको चापी फुटाली त्यस पसलबाट पनि नगद नै चोरी भएको पीडित पक्षले बताएका छन्। दुवै पसलबाट पाँच हजारको हाराहारीमा नगद चोरी भएको सम्बन्धित पसलका सञ्चालकले बताएका छन्।
‘पैसाको खतिभन्दा पनि चोरी बढेकोमा चिन्ता हो,’ सुन्दरबजार नगरपालिका– ७ का वडाध्यक्ष समेत रहेका सुन्दरबजार हार्डवेयरका सञ्चालक जयराम रेग्मीले बताए।
चारदिन अघि विहीवार दिउँसो २ बजेको समयमा फिल्म हल लाइनमै रहेको थापा मेडिकल हलबाट झण्डै चार नगद चोरी भएको थियो। त्यो चारी गर्ने चोर पत्ता नलाग्दै सोमबार थप दुई स्थानमा चोरी हुनुले सुरक्षा चुनौती बढेको पुष्टि गर्दछ, स्थानीय बासिन्दा तथा लमजुङ उधोग बाणिज्य संघ, सुन्दरबजार इकाइ अध्यक्ष सोमबहादुर नेउपानेले भने। उनका अनुसार विगतका वर्षमा पनि हुने गरेका यस्ता चोरीमा संलग्नलाई पक्राउ गर्न नसक्दा यस्ता घट्ना वषेर्नी बढ्ने गरेका छन्। जिल्ला प्रहरी कार्यालय लमजुङका प्रहरी प्रमुख प्रहरी नायव उपरीक्षक यादव ढकालले चोरको पहिचान गरी कारबाही दायरामा ल्याउन प्रहरी परिचालन गरी सकेको बताए।
सुन्दरबजार नगरपालिकाका प्रमुख प्रशासकीय अधिकृत जीवन ज्ञवालीले चोरी नियन्त्रणका लागि बजार क्षेत्रमा सिसि क्यामेरा जडान गर्न जरुरी भएकोले त्यसतर्फ ध्यान दिनु पर्ने बताएका छन्।
गत वर्ष सोही स्थानमा रहेको एभरेष्ट बचत सहकारी सहितका २–३ वटा पसलमा पनि चोरी भएको थियो। त्यस घटनामा संलग्नलाई पनि पक्राउ गर्न नसक्दा यस्ता घटना बढेको सुन्दरबजारबासीले बताएका छन्। स्थानीयबासी समेत रहेकी साना किसान सहकारी संस्थाकी अध्यक्ष सुकमाया गुरुङले हरेक वर्ष हुने चोरीका घटनामा संलग्नलाई पक्रन नसक्दा वषेर्नी यस्ता घटना हुने गरेको बताइन्।
Related News
सम्बन्धित समाचार
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
बुढ्यौलीमा भेडीगोठ मोह
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१