खैरेनीटार, २६ पुस। नेपाल आदिवासी जनजाति महासंघ नगर समन्वय परिषद् शुक्लागण्डकीको आयोजनामा आदिवासी जनजाति शुक्लागण्डकी सांस्कृतिक महोत्सव–२०७५ खैरेनीटारमा शुरु भएको छ।
प्रमुख अतिथि गण्डकी प्रदेशका आर्थिक मामिला तथा योजना मन्त्री किरण गुरुङले विहीवार महोत्सव उद्घाटन गर्दै कुनै जात, वर्ग, समुदायमात्र समृद्ध भएर मुलुक समृद्ध नहुने बताए। उनले राष्ट्रिय एकताको आधार भनेकै विविधता रहेको बताए।
मन्त्री गुरुङले भने, ‘नेपाल भनेको इन्द्रेणीजस्तो हो, यसलाई फुटायौं भने हामी सबै समाप्त हुनेछौं । त्यसैले समृद्धिको लागि उत्पादनसँग जोडिनुपर्छ ।’
नगरपालिका प्रमुख किशान गुरुङले आदिवासी जनजाति पछाडि पर्नुका कारण र त्यसको समाधानको उपाय खोज्नु पर्ने बताए। उनले महोत्सवले लोप हुन लागेका भाषा, संस्कृति जोगाउने कार्यमा भूमिका खेल्न अनुरोध गरे।
महोत्सवका निदेर्शक खिमबहादुर कुमालले महोत्सवको आयोजक आदिवासी जनजाति भए पनि सबैंको महोत्सव भएको बताए।
कार्यक्रममा नेकपाकी रेखा थापा बस्याल, नेपाली काँग्रेसका जिल्ला कार्यवाहक सभापति जितप्रकाश आले, उद्योग वाणिज्य महासंघ गण्डकी प्रदेशका उपाध्यक्ष कृष्णराज पण्डित, शुक्लागण्डकी ६ का वडाध्यक्ष कृष्णबहादुर पौडेल, आदिवासी जनजाति महासंघका केन्द्रिय अध्यक्ष जगत बराम, जनजाति महासंघकी जिल्ला अध्यक्ष बसुन्धरा घर्ती, तनहुँ उद्योग वाणिज्य संघका उपाध्यक्ष हरिबहादुर थापा, खैरेनीटार साना सहरी खानेपानी तथा सरसफाइ उपभोक्ता संस्थाका अध्यक्ष रामचन्द्र उपाध्याय, खैरेनीटार बजार इकाइका पूर्व अध्यक्ष हरिकुमार श्रेष्ठ, राष्ट्रिय जनमुक्तिका जिल्ला अध्यक्ष भुवनसिंह आले लगायतले बोलेका थिए।
महोत्सव सहआयोजकमा शुक्लागण्डकी नगरपालिकामा रहेका नेपाल मगर संघ, तमु ह्यूल छोंजधिं, देयः देवु नेवाः खल, भुजेल समाज सेवा समिति, नेपाल कुमाल समाज, तामाङ घेदुङ, मार्फा थकाली समाज सेवा सदन, राई समाज शुक्लागण्डकी नगरपालिका रहेका छन्।
महोत्सव उद्घाटन अघि विभिन्न झाँकी र बाजागाजा सहितको र्याली बेलचौतारा, खैरेनीटार बजारहुँदै महोत्सवस्थल प्रवेश गरेको थियो।
महोत्सवमा नेवार, मगर समुदायको स्वागत गीत र विभिन्न मनोरञ्जनात्मक कार्यक्रम प्रस्तुत गरिएको थियो।
“अमूल्य भाषा, संस्कार, संस्कृति सबै जातिको पहिचान, संरक्षण गर्ने आदिवासी जनजातिको अभियान” भन्ने मूलनाराका साथ शुरु महोत्सव माघ ६ सम्म सञ्चालन हुनेछ।
महोत्सव मूल संयोजक विमल जिसीको अध्यक्षता रहेको कार्यक्रममा स्वागत प्रवक्ता मनबहादुर पुन र सञ्चालन सिर्जना राना र सचिव सुमन आलेले गरेका थिए।
Related News
सम्बन्धित समाचार
सांस्कृतिक कार्यक्रम एवं भजन प्रतियोगिताको तयारी पूरा
पृथ्वीराजमार्ग विस्तार : मुआब्जा बुझाइयो तर घर भत्काइएन
शिवशक्ति मार्ग टोल विकास संस्थाद्वारा ४४ ज्येष्ठ नागरिकको सम्मान
मुख्यमन्त्री अधिकारीविरुद्धको रिट खारेज
गण्डकी प्रदेश प्रहरी दुर्गा सिंहले सम्हालिन जिम्मेवारी
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१