लेखनाथ, २७ मंसिर। वेगनास तालमा जारी श्रीमद्भागवत् विराट ज्ञानमहायज्ञमा भक्तजनको सहभागितासँगै दान रकमसमेत वृद्धि हुँदै गएको छ। महायज्ञ छैटौं दिनसम्म आइपुग्दा अन्य दिन तुलनामा बढी रकम संकलन भएको छ।
आमा समूह, टोल विकास संस्था तथा अन्य सामाजिक संघसंस्थाले स्थानीय रुपमा संकलन गरेको रकम यज्ञस्थलमा आएर एकमुष्ठ दान गर्नेहरु बढ्दै गएको प्रचारप्रसार उपसमिति संयोजक मोती गिरीले जानकारी दिए।
महायज्ञमा हालसम्म ६० लाख ५ सय ४२ रकम संकलन भएको महायज्ञ मूलआयोजक समिति कोषाध्यक्ष गंगाराम सुवेदीले जानकारी दिए । विहीवारमात्र १६ लाख ५५ हजार ६ सय २४ रुपैयाँ संकलन भयो ।
विहीवार राष्ट्रिय परोपकार महासंघ नेपालबाट एक लाख ११ हजार एक सय ११, हेमबहादुर सापकोटा वेगनासबाट एक लाख ६६ हजार छ सय ६६, शिवप्रसाद न्यौपाने शिशुवाबाट एक लाख चार हजार, होटल तथा रेष्टुरेन्ट एशोसिएसन परिवार बेगनासबाट ६५ हजार पाँच सय ५५, तिलकप्रसाद तिवारी वेगनासतालबाट ५६ हजार एक सय १५, सेभेन लेक शुद्ध खानेपानी पचभैयाबाट ५७ हजार सात सय ७७, छलि सुवेदी पोखरा-३१ तुलादानबाट ५१ हजार दान गरिएको महायज्ञ प्रवक्ता ध्रुवनाथ अधिकारीले जानकारी दिए।
विभिन्न कालखण्डमा तालमा डुबेर ज्यान गुमाएका व्यक्तिहरुको आत्माको चिरशान्तिको कामना गर्दै तिनका परिवारजन कर्ताको रुपमा पूजामा संलग्न रहेको मूल समारोह समिति अध्यक्ष डिल्लीरमण तिवारीले बताएका छन्। भागवतभाष्कर कमलनयन गौतमको मुखराविन्दुबाट कथा वाचन भइरहेको सो महायज्ञ मंसिर २९ सम्म चल्नेछ ।
यसैबीच, पोखरा महानगरपालिका प्रमुख मानबहादुर जिसीले वेगनास ताल वराह क्षेत्रको विस्तृत परियोजना प्रस्ताव २ महिनाभित्र तयार गर्न आग्रह गरेका छन्। वराह क्षेत्रको विस्तृत परियोजना प्रस्ताव तयार गरी कार्यान्वयन गर्ने उनले प्रतिबद्धता जनाए।
महायज्ञमा ज्ञानका कुरा पनि लिने र मन खुलाएर दान गरी सहयोग गर्न सम्पूर्ण भक्तजनमा आग्रह गर्दै प्रमुख जिसीले महायज्ञको लक्ष्य पूरा गर्न बाँकी रहेमा महानगरले पूरा गर्ने समेत बताए।
वेगनास र रुपाताल जलाधार क्षेत्रलाई धार्मिक पर्यटकीय स्थलका रुपमा विकास गर्न र यस क्षेत्रको जैविक विविधता संरक्षण गर्दै वेगनास क्षेत्रको समृद्धिका लागि महानगरले प्राथमिकता राखेको जिसीले बताए ।
Related News
सम्बन्धित समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
हाम्रो बहुउद्देश्यीयको रक्तदानमा ४६ युनिट संकलन
शिशुवा सिसाघाट सडक शिलान्यास
hero news full width
मुख्य समाचार
मनिपालमा अत्याधुनिक एमआरआई मेसिन
कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१