हेमजा, २० भदौ। लामा अमृत फाउण्डेशन घान्द्रुकले आयोजना गरेको क्लबस्तरीय पुरुष भलिबलको उपाधि एपिएफले जितेको छ।
नदीपुरस्थित नेपाल छन्त्याल समाजको खेल मैदानमा सम्पन्न फाइनलमा बाग्लुङ क्लबलाई वेष्ट अफ फाइभमा पराजित गर्दै एपिएफले उपाधि जितेको हो। जसमा २५-१७, २५-१९, २०-२५, २१-२५ र १५-१२ सेट कायम भयो।
उपाधिसँगै उसले शिल्ड, मेडल तथा प्रमाणपत्र सहित ५० हजार प्राप्त गर्यो भने उपविजेताले ३० हजार पायो।
यसअघि सम्पन्न महिलातर्फ एसियन सुज इण्डष्ट्रिज लामाचौरलाई पराजित गर्दै टप्स मावि टिम ‘ए’ विजयी बन्यो। उसले २२ हजारसहित शिल्ड, मेडल पुरस्कार पायो। उपविजेताले १५ हजार पायो।
त्यस्तै, पुरुष भेट्रान्सतर्फ फाइनलमा डाँफे क्लब मेलाचेलाई पराजित गर्दै रामबजार क्लबले उपाधि हात पारेको छ । विजयीले क्रमशः १५ र १० हजार रुपैयाँ पुरस्कार पाए।प्रमुख अतिथि अन्नपूर्ण गाउँपालिका अध्यक्ष युवराज कुँवरले प्रतियोगिताको निरन्तरताको कामना गर्दै स्वास्थ्यका लागि खेलकुदको महत्वपूर्ण भूमिका रहने औँल्याए।
फाउन्डेसन अध्यक्ष लामा अमृत गुरुङले प्रतियोगिताले खेलाडीबीच आपसी भाइचारा अभिवृद्घिगर्न सफल भएको दाबी गरे।
सो अवसरमा भलिबल खेलाडी मानबहादुर श्रेष्ठलाई सम्मान गरिएको थियो।प्रतियोगितामा पुरुषतर्फ सर्वोत्कृष्ट खेलाडी एपिएफका विजय थापा, उत्कृष्ट ब्लकरमा बागलुङ क्लबका सन्तोष बस्नेत, उत्कृष्ट स्टाइकर सोही क्लबकै विष्णु क्षत्री, महिलातर्फ सर्वोत्कृष्ट खेलाडी एसियन सुज इण्डष्ट्रिज लामाचौरका लुकु पुन, उत्कृष्ट स्टाइकर टप्स माविका पवित्रा बिसी घोषित भएका थिए भने भेट्रान्सतर्फ रामबजार भेट्रान्सका कुमार गुरुङ सर्वोत्कृष्ट खेलाडी बन्न सफल भए। उनीहरुले पुरस्कारस्वरुप एक/एक थान जुत्ता प्राप्त गरे।
फाउण्डेसन अध्यक्ष लामा अमृत गुरुङको अध्यक्षतामा सम्पन्न कार्यक्रममा खेल संयोजक गणेश घमालले स्वागत तथा अर्जुन सुनारले संचालन गरेका थिए।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१