लमजुङ, २३ साउन। मनाङमा अब सहज यातायात पहुँच विस्तार भएको छ। मनाङ र लमजुङ सीमा म्यार्दी खोलामा निर्माणाधीन मोटरेवल पुल सम्पन्न भएसँगै मनाङमा यातायातको पहुँच सहज भएको हो।
दुर्इ करोड लागतमा पुल निर्माण गरिएको डिभिजन सडक कार्यलय दमौली, तनहुँले जनाएको छ। गत आर्थिक वर्षमै निर्माण सम्पन्न हुनुपर्ने पुल निर्माणमा ढिलाइ भएपछि लमजुङ र मनाङका प्रशासन कार्यालय तथा डिभिजन सडक कार्यालय दमौलीले निर्माण कम्पनीलाई पुल निर्माण छिटो गर्न दबाव दिएका थिए।
वेशीशहर-चामे सडक सञ्चालनको लामो समय भए तापनि म्यार्दीखोलामा पुल नहुँदा वर्षायाममा यातायात सेवा अवरुद्ध हुने गरिआएको थियो। सो खोलामा यसअघि काठको अस्थायी पुल र फलामको ट्रष्टबाट काम चलाउने गरिएको थियो। सो पनि बाढीले बगाइदिएका कारण यातायात खोला वारिपारि रोकिने गरेका थिए। सो खोलामा अस्थायी काठको पुल एक वर्ष पनि नटिकेपछि नेपाली सेनाले ट्रष्ट राखेर पुल निर्माण गरेको थियो।
सो पुल निर्माण क्यारबाहन कन्सलटेन्सी कम्पनीले गरेको हो। ट्रष्टको बेलीब्रिज २०७२ साल असार ३१ गते आएको बाढीले बगाएपछि यातायात सञ्चालनमा कठिनाई हुँदै आएको सो रुटका चालकले बताउने गरेका थिए।
सडक डिभिजनसँग २०७५ असार मसान्तसम्म सम्पूर्ण काम सक्ने सम्झौता गरेर पुलको ठेक्का लिएको क्यारबहान कन्सलटेन्सीले १ महिनापछि काम सम्पन्न गरेको हो। कुल २२ करोडको लागतमा मनाङका ५ वटा खोलामा मोटरेवल पुल निर्माण गर्ने जिम्मा क्यार बहनले पाएको हो। सो सडक खण्डमा पर्ने पिसाङ खोला, तिमाङ खोला सव्जे खोलामा अझै काम सम्पन्न भएको छैन। कम्पनीका म्यानेजिङ डाइरेक्टर (एमडि) चन्द्र थकालीले भौगोलिक विकटताका कारण सम्झौताअनुसार समयमा काम हुन नसकेको बताएका छन्। उनका अनुसार बाँकी खोलामा ७० प्रतिशत काम पूरा भइसकेको र दशैँ-तिहारबीचमा सबै पुलको निर्माण सक्ने लक्ष्यका साथ काम भएको छ।
Related News
सम्बन्धित समाचार
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
दुर्घटना न्यूनीकरण गर्न ट्राफिक सप्ताह
रुसी सेनामा आबद्ध नेपाली फिर्ता ल्याउन उच्चस्तरमा कूटनीतिक पहल गर्छुः प्रधानमन्त्री
सुरु भयो ट्राफिक सप्ताह, मुख्यमन्त्रीले गरे उद्घाटन
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१