पोखरा, २२ साउन । प्रमुख प्रतिपक्षी दल नेपाली काँग्रेसले प्रधानमन्त्री केपी शर्मा ओलीको दोहोरो चरित्रका कारण सर्वोच्च अदालतमा प्रधानन्यायाधीश नियुक्ति दुर्घटनामा परेको ठहर गरेको छ । उसले सो घटनालाई न्यायपालिकाको स्वतन्त्रता र निष्पक्षतामाथि कार्यकारिणीको अतिक्रमण भएको आरोप समेत लगायो ।
पार्टीकेन्द्रीय कार्यालय सानेपामा मंगलबार बसेको काँग्रेस केन्द्रीय समिति बैठकले उक्त घटनालाई नियन्त्रणकारी हस्तक्षेपको आरोप लगाउँदै आगामी दिनमा लोकतन्त्रका आधारभूत मूल्य, मान्यता, संविधान, संवैधानिक सवोर्च्चता र न्यायापालिकाको स्वतन्त्रता एवं निष्पक्षता रक्षाका लागि क्रियाशील हुने गरेको हो ।
बैठकपछि पत्रकार सम्मेलन गरेर प्रवक्ता विश्वप्रकाश शर्माले प्रधानमन्त्री ओलीको दोहोरो भूमिकाका कारण न्यायपालिकामाथि कार्यपालिका र व्यवस्थापिकाको नाङ्गो हस्तक्षेप पनि बढेको जिकिर गरे । प्रम ओलीले भावी प्रधानन्यायाधीशका लागि संवैधानिक परिषद्बाट दीपकराज जोशीको नाम सिफारिस गराएपछि संसदीय सुनुवाइ समितिमा पार्टीको हृवीप लगाएर उनैलाई अस्वीकृत गराउँदै दोहोरो भूमिका खेलेको शर्माले बताए ।
संवैधानिक परिषद्बाट सवोर्च्च अदालतको प्रधानन्यायाधीश पदमा प्रस्तावित दीपकराज जोशीलाई संसदीय सुनुवाइ समितिको यही साउन १८ गतेको बैठकले मतदानमार्फत बहुमतले अस्वीकृत गरेको थियो ।
जोशीलाई प्रधानन्यायाधीशमा अस्वीकृत गर्दा ओलीले प्रधानमन्त्री पदको प्रतिष्ठा र जिम्मेवारीको ख्याल नगरी गलत नियतले परिषदबाट नाम सिफारिस गराएको दाबी पनि काँग्रेसले गरेको छ । ‘ओलीले गलत नियतबाट आफैं सिफारिस गर्ने, आफैं अस्वीकृत गराउने दोहोरो भूमिका गरेका कारण प्रधानन्यायाधीश नियुक्तिको प्रक्रिया दुर्घटनामा पर्यो,’ काँग्रेसले भनेको छ, ‘यो दुर्भाग्यपूर्ण घटनालाई न्यायपालिकाको स्वतन्त्रता र निस्पक्षतामाथि कार्यकारिणीको अतिक्रमण र नियन्त्रणकारी हस्तक्षेपका रुपमा काँग्रेसले लिएको छ ।’
बैठकले लोकतान्त्रिक आन्दोलनमा योगदान पुर्याका काँग्रेस जिल्ला कार्यसमिति स्याङ्जाका सभापति एवं पूर्वसांसद कमलप्रसाद पगेँनीको निधनप्रति शोक प्रस्ताव पारित गर्दै समवेदना प्रकट गरेको छ । पगेँनीको साउन २० गते असामयिक निधन भएको थियो ।
यस्तै काँग्रेस नुवाकोटका पूर्वमहासमिति सदस्य विष्णु आचार्यको गत साउन १३ गते भएको असामयिक निधन र काँग्रेस संखुवासभाका महाधिवेशन प्रतिनिधि एवं पूर्वजिल्ला विकास समितिका सभापति भैरु· धर्चे भोटेको गत साउन ९ गते भएको निधनप्रति पनि बैठकले गहिरो दुःख व्यक्त गरेको छ । काँग्रेसले ती मृतात्माको चीरशान्तिको कामना गर्दै सबै शोकसन्तप्त परिवारजनप्रति समवेदना प्रकट गरेको छ
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१