नुवाकोट, २८ जेठ । प्रदेश ३ को राजधानी निर्धारणका लागि सम्भाव्यता अध्ययन गर्न गठित समितिले सोमबार यहाँको साधन तथा स्रोतको अवस्था एवं विकास निर्माण र प्रशासनिक वस्तुस्थितिको जानकारी लिएको छ।
प्रदेशको राजधानी सम्भाव्यता अध्ययन विशेष समितिको सचिवालयमा दर्ता भएका स्थानहरूको अध्ययनका क्रममा समितिका संयोजक दीपक निरौलासहितको सदस्यको टोलीले नुवाकोटको स्थलगत अध्ययन तथा सरोकारवालासँग अन्तरक्रिया गरी भौतिक संरचना, भौगोलिक बनावटलगायतका तोकिएको मापदण्डको तथ्याड्ढ संकलन गरेको हो।
जिल्लामा रहेका सरकारी भौतिक संरचना र विकास निर्माणको अबस्थाको अध्ययन गरिएको समितिका सभापति निरौलाले जानकारी दिए।
उनका अनुसार राजधानी चयनका लागि सचिवालयमा दर्ता भएका प्रस्तावहरूको आधारमा नुवाकोटबाट स्थलगत अध्ययन गरी समितिले कामलाई तीव्रता दिएको हो।
“केही दिनअघि प्रश्नावलीमार्फत तथ्याड्ढ संकलन गरी प्रस्ताव दर्ता भएका जिल्लाहरूको वस्तुस्थितिको जानकारी लिएका थियौँ।” उनले भने, “स्थलगत अध्ययनको क्रममा देखिएका पक्षलाई समावेश गरी प्रदेशसभामा प्रतिवेदन पेश गर्नेछौँ।”
अध्ययनमा आएको टोलीलाई यहाँबाट प्रतिनिधित्व गर्ने प्रतिनिधिसभा सदस्य नारायणप्रसाद खतिवडा, प्रदेशसभा सदस्यहरू बद्री मैनाली, हीरानाथ खतिवडा, आशामाया तामाङ, जिल्ला समन्वय समितिका प्रमुख सन्तमान तामाङसहित राजनीतिक दलका प्रतिनिधि, नागरिक समाज लगायतले प्रदेशको राजधानी नुवाकोट हुनुपर्ने आधार पेश गरेका थिए। जिसस नुवाकोटले समितिलाई उपलब्ध गराएको तथ्याड्ढमा राजधानीका लागि १२१ वटा प्रश्नावलीमा फोरेन्सिक प्रयोगशाला, अत्याधुनिक प्रयोगशाला, प्राकृतिक चिकित्सा अस्पताल, चिडियाखाना, बिज्ञान तथा प्रविधि प्रतिष्ठान र र·शाला बाहेक ‘सबै संरचना उपलब्ध भएको’ उल्लेख छ।
नुवाकोटको अध्ययन पूरा गरेको समितिले अब काभ्रे, भक्तपुर, चितवन र मकवानपुरको अध्ययनपश्चात आगामी असार १० गते प्रतिवेदन पेश गर्ने समितिका सदस्य रीता माझीले जानकारी दिए। समितिको म्याद असार ११ गते सकिँदैछ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१