हेमजा, २४ फागुन। माछापुच्छे्र गाउँपालिका-६, धितालस्थित ऐतिहासिक जयकोट भूमे मन्दिर मर्मत गरी आस्थाको केन्द्र बनाउन स्थानीय लागिपरेका छन्।
धिताल सहित धम्पुस, लुम्ले, ताञ्चोक, भिचुक, तोल्काबाट समेत पूजा गर्न उक्त मन्दिरमा भक्तजन आउने गरेका छन्।
मन्दिरमा तला थप गरी गजूर राख्ने, मन्दिरको दक्षिण र उत्तरपट्टी सालको मयुर झ्याल, पूर्वपट्टी आँखी झ्याल निर्माण गरी मन्दिर क्षेत्रमा पर्खाल निर्माण गर्ने योजनामा आफूहरु रहेको मन्दिर मर्मत तथा संरक्षण समितिका अध्यक्ष अम्बरबहादुर क्षेत्रीले बताएका छन्।
अध्यक्ष क्षेत्रीका अनुसार भूमेस्थान वन क्षेत्रमा रहेको सो मन्दिर मर्मतका लागि करिब १५ लाख खर्च लाग्ने छ। जसमध्ये हालसम्म १० लाख १ हजार रुपैयाँ संकलन भएको र ५ लाख बराबरको जनश्रमदान गरिने उनले बताए।
धितालका ७४ वषे वृद्घ चूडामणि गौतमले मन्दिरमा त्यस क्षेत्रका सबैजसो मानिसको आस्था रहेको सुनाए। उनले २०२३ सालमा आफ्नो एसएलसी परीक्षा बिग्रिएको र सोही वर्ष उक्त मन्दिर गई पूजा गरेर भाकल गरेपछि अको वर्ष उत्तीर्ण गरेको स्मरण गर्दै मन्दिरमा ठूलो शक्ति रहेको बताउँछन्।
प्रत्येक वर्ष मंसिर, फागुन, चैत र बैशाख महिनामा सामूहिक रुपमा पूजा गरिँदैआएको उक्त मन्दिरमा महिलाले पूजा गरे भने अनिष्ट हुने विश्वास छ।त्यहाँ विधिपूर्वक पूजा गरी बोकाको बली दिने र उक्त बलीको मासु पनि महिलाले खान नहुने जनाइन्छ।
पूजा गरेपछि अतिवृष्टि, अनावृष्टि, खण्डवृष्टि नहुने, असिना नपर्ने, बाढी पहिरो नजाने, भूक्षय नहुने भन्दै कतिपय स्थानीय भने दैनिक रुपमा मन्दिरमा पूजा गर्ने जाने गरेका छन्। मर्मत सम्पन्न गरी सो मन्दिरलाई ऐतिहासिक आकर्षक एवं धार्मिक पर्यटक लोभ्याउने पवित्रस्थलका रुपमा विकास गर्न लागिएको मर्मत समितिले जनाएको छ।
आगामी जेठभित्र मर्मतले पूर्णता पाउने समिति सचिव छविरमण पौडेलले बताए।उनले मन्दिर क्षेत्र अवलोकन एवं अन्य स्थानसमेत दृश्यावलोकन गर्न भ्यू टावर निर्माणको योजना पनि रहेको बताए।
मन्दिरको मर्मत सकिएलगत्तै कास्कीका प्रमुख जिल्ला अधिकारी, यहाँका सांसद तथा राजनीतिक दलका प्रतिनिधिको रोहवरमा मन्दिरको उद्घाटन गरिने मर्मत समितिले जनाइएको छ। मन्दिर क्षेत्रमा सूर्यबहादुर गुरुङ र राजमान गुरुङले प्रतीक्षालय तथा पानीट्याङ्की निर्माण पनि गरिदिएका छन्।
करिब ५ सय वर्ष पुरानो उक्त मन्दिरको आजभन्दा करिब १२ वर्षअघि पनि आंशिक मर्मत गरिएको थियो। मन्दिर पुनः जीर्ण बनेसँगै मर्मत थालिएको हो। मर्मत भएसँगै धितालमा धार्मिक पर्यटकमा वृद्घिहुने स्थानीयको विश्वास छ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१