पोखरा । पोखरा महानगरपालिका खेलकुद विकास समिति आयोजनामा दोस्रो संस्करणको लेखनाथ हाफ म्याराथन हुने भएको छ । कास्की जिल्ला एथ्लेटिक्स संघको प्राविधिक सहयोगमा आगामी १ वैशाखमा विभिन्न ४ इभेन्टमा हाफ म्याराथन हुने भएको हो ।
मंगलबार पत्रकार सम्मेलनमा खेलकुद विकास समितिका सदस्यसचिव सुवास खड्काले पुरुषतर्फ २१ किमी हाफ म्याराथन, १० किमीको महिला÷पुरुष राष्ट्रिय खुला दौड, विद्यालयतर्फ ५ किलोमिटर छात्रछात्रा र भेट्रान्सतर्फ ५ किलोमिटर दौड हुने बताए । प्रतियोगितामा करिब १ हजार धावकले भाग लिने छन् ।
हाफ म्याराथनमा प्रथम, द्वितीय, तृतीय, सान्त्वना र पाँचांले क्रमशः ६०, ३०, २०, १० र ५ हजार रुपैयाँ साथमा मेडल र प्रमाणपत्र प्राप्त गर्ने आयोजकले जनाएको छ ।
१० किमी महिला/पुरुष राष्ट्रिय खुला दौडको विजेताले ३० हजार र उपविजेताले २० हजार रुपैयाँ पाउने छन् । तृतीय, सान्त्वना र पाँचौंले क्रमशः १० हजार, ५ हजार र २ हजार ५ सय रुपैयाँको साथमा मेडल र प्रमाणपत्रबाट पुरस्कृत हुनेछन् । ५ किलोमिटर विद्यालय छात्रछात्रा दौडको विजेताले १५ हजार रुपैयाँ, उपविजेताले १० हजार, तृतीयले ५ हजार, सान्त्वनाले ३ हजार र पाँचौंले २ हजार रुपैयाँको साथमा मेडल र प्रमाणपत्र पाउने छन् ।
१ वैशाखमा हुने प्रतियोगितामा विभिन्न ४ इभेन्टमा करिब १ हजार धावकले भाग लिँदैछन्
भेट्रान्सतर्फ विजेताले १० हजार, उपविजेताले ७ हजार, तृतीयले ५ हजार रुपैयाँ पाउने सदस्यसचिव खड्काले बताए । दौड पूरा गर्ने सम्पूर्ण विधाका शीर्ष २० खेलाडीलाई मेडल प्रदान गरिने खेलकुद विकास समितिका उपाध्यक्ष एवं प्रतियोगिता संयोजक राजेन्द्र जिसीले बताए ।
भण्डारढिकबाट सुरू हुने हाफ म्याराथन उत्तरसिंहचोक, भूगोलपार्क, रामबजार, सीतागुफाचोक, सातमुहाने बजार, राजाकोचौतारा, झउरीचोकबाट फर्केर सातमुहाने बजार, खुदी, नहरचोक, रामबजार, लेखनाथ उद्योग वाणिज्य संघको भवन हुँदै भण्डारढिक खेल मैदानमा आएर टुंगिने छ ।
खेलकुद विकास समिति अध्यक्ष दीपक गोदारले प्रतियोगिताले पर्यटकको आवागमनमा वृद्धि गर्ने विश्वास व्यक्त गरे ।
पोखरा–२९ का वडाध्यक्ष श्रीप्रसाद गुरूङले लेखनाथमा राष्ट्रियस्तरका अन्य प्रतियोगिता निरन्तर गर्न आवश्यक रहेको बताए । ‘लेखनाथ पोखरामा गाभिएपछि केही पछाडि परेको हामीले महसुस गरेका छौं । यस्तैखाले राष्ट्रिय प्रतियोगिता यहाँ गरेर यो ठाउँ चिनाउनुपर्छ,’ उनले भने, ‘यहाँ पर्यटनको थुप्रो सम्भावना छ । सात वटा ताल छन् । धेरै कोट पनि छन् ।’ भण्डारढिकमा रहेको रंगशालाको काम सक्न आफ्नो कार्यकालमा सक्दो प्रयास गर्ने र वडाबाट पनि बजेट लगानी गर्ने उनले बताए ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१