पोखरा । पाल्पा रिब्दीकोट १, ख्याहामा १९ वर्षीया पद्मा सुनारको हत्या अभियोगमा १ युवक पक्राउ परेका छन् ।
जिल्ला प्रहरी कार्यालय पाल्पाले ख्याहाको लप्सीखोला बस्ने १९ वर्षीय सागर भन्ने देवलाल सार्कीलाई पक्राउ गरी शुक्रबार पत्रकार सम्मेलनमार्पmत सार्वजनिक गरेको हो । गत मंगलबार बिहान ९ बजे लप्सीखोलामा कपडा धुन र नुहाउन हिंडेकी सुनारको हत्या भएको थियो ।
लप्सीखोला उनको घरबाट २ किमी टाढा पर्छ । नुहाउन र कपडा धुन भनेर एक्लै हिंडेकी उनी दिउँसो साढे ३ बजेसम्म पनि नफर्किएपछि घरपरिवार उनको खोजीमा निस्किए । खोज्दै जाँदा पद्माले लिएर गएको कपडा तथा अन्य सामान लप्सीखोलाबाट कराम्दी जाने गोरेटोमा लथालिंग अवस्थामा फेला परेको थियो ।
सामान फेला परेको आसपास परिवारले खोजी गर्दा अन्दाजी २० मिटर तल खरबारीमा पद्मा रगताम्य अवस्थामा मृत फेला परिन् । उनको टाउको, घाँटी, हातमा धारिलो हतियारबाट प्रहार गरिएका चोट थिए । प्रहरीलाई खबरपछि अनुसन्धान अघि बढेको थियो ।
अनुसन्धानका लागि गौतम बुद्ध अन्तर्राष्ट्रिय विमानस्थल सुरक्षा गार्ड, केनाइन शाखा भैरहवाबाट तालिम प्राप्त कुकुर झिकाइएको थियो । त्यही दिन प्रहरीले मुचुल्का, प्रमाण संकलन गरी शव परीक्षणका लागि लुम्बिनी प्रादेशिक अस्पताल बुटवल पठाइएको थियो ।
प्रहरीले अनुसन्धानका लागि त्यस दिन ३÷४ जना व्यक्तिलाई नियन्त्रणमा लिएर अनुसन्धान गरिरहेको थियो । प्रमाण फेला परेसँगै हत्यामा सागर भन्ने व्यक्तिकै संलग्नता खुलेको डिएसपी सुगन्ध श्रेष्ठले बताए । उनका अनुसार मंगलबार दिउँसो १२ बजे सागर गोठमा काम गरी हसिँया लिएर फर्किरहेका थिए । यता, पद्मा लुगा धोएर डोकोमा हाल्दै गरेकी थिइन् । त्यसबेला उनीहरूको भेट भयो । उनीबीच विवाद उत्पन्न भयो । तर के विषयमा भएको हो भन्ने खुल्न बाँकी रहेको प्रहरीले जनायो । गालीगलौच अवस्था सिर्जना भएपछि आवेगमा आएर सागरले पद्मामाथि हँसियाले प्रहार गरेको देखिन्छ, डिएसपी श्रेष्ठले बताए ।
हतियार प्रहारपछि उनले पद्मालाई २० मिटर तल घिसारेर खरबारीमा पु¥याएका थिए । त्यहाँ पनि उनको टाउकोमा २÷३ पटक प्रहार गरेका थिए । त्यसपछि उनले मृतक पद्माको मोबाइलसमेत लिएर गएका थिए ।
Related News
सम्बन्धित समाचार
चेक बाउन्सको समस्याले व्यवसायी र प्रहरीलाई हैरान
पोखराको न्युरोडस्थित एभरेष्ट बैंकमा तोडफोड अपरिचित व्यक्तिले गुलेली हाने
बत्तीसपुतलीमा २ समूहबीच झडप हुँदा १ को मृत्यु, ४ पक्राउ
बेंसीसहरका ४ औषधी पसललाई जरिवाना
वनमा आगो लगाउने पक्राउ
hero news full width
मुख्य समाचार
कांग्रेस नेता खगेन्द्रराज रेग्मीको निधन
पहिले छाती नाप्न गल्ला आउँथे, अहिले एजेन्ट
वैशाख ३१, २०८१जग्गाधनीले रोके रुपाताल परियोजनाको काम
वैशाख ३०, २०८१मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
वैशाख ३०, २०८१नियन्त्रित मुद्रास्फीति, शोधनान्तर र चालुखाता बचतमा
वैशाख ३०, २०८१फेवाबाट जलकुम्भी हटाउन अभियान सुरु
वैशाख ३०, २०८१