पोखरा । तनहुँको शुक्लागण्डकी–५ बेलचौतारास्थि ज्ञान बगैँचा इङ्लिस बोर्डिङ स्कुलमा आयोजित इमोस्नल एजुकेशन प्रोगाम (भावनात्मक शिक्षा कार्यक्रम) को गहन सिकाइ यात्रामा सहभागी विद्यार्थी दीक्षित भएका छन् ।
द स्कुल अफ नन भायोलेन्स नेपाल आयोजनामा १२ सातासम्म चलेको कार्यक्रममा कक्षा ७ देखि ९ का ४५ विद्यार्थी दीक्षित आइतबार भएका हुन् । कार्यक्रममा क्रोधरहित संसारका प्रमुख कार्यकारी अधिकृत डा. अनुप श्रेष्ठाचार्य, विद्यालय प्रिन्सिपल सुरेश पौडेल, द स्कुल अफ नन भायोलेन्सका संस्थापक एवं सहजकर्ता राजन उपाध्यायले उनीहरुलाई दीक्षित गरेका हुन् ।
विद्यार्थीलाई स्वजागरण, स्वसम्बन्ध, स्वनियमन, उत्प्रेरणा, नैतिक मूल्यमान्यता, सकरात्मक सोच, प्रशंसनीय खोज, भावनात्मक साक्षरता, अहिंसात्मक सञ्चार, तनाव व्यवस्थापन, मानसिक स्वास्थ्य र स्वहेरचाह, रिस रुपान्तरण लगायतका विषयमा केन्द्रित रही विद्यालय कार्यक्रम संयोजक सगुन थापाले सहजीकरण गरेकी थिइन् । यसअघि द स्कुल अफ नन भायोलेन्स नेपालले विद्यालयका शिक्षक शिक्षिकाहरुलाई प्रशिक्षक प्रशिक्षण तालिम प्रदान गरेको थियो ।
द स्कुल अफ नन भायोलेन्स नेपालका संस्थापक एवं अहिसांत्मक सञ्चार नेपालका प्रशिक्षक श्रीराम तिमिल्सिनाले देशभरका ४५ मध्ये ज्ञान बगैँचा तनहुँको प्रतिनिधित्व गर्दै पहिलो विद्यालय भएको बताए । विज्ञान र प्रविधिका कारण साँघुरिँदै गएको विश्वमा मानिसहरुबीच भावनात्मक सम्बन्धको खडेरी परिररहेका बेला यस्ता कार्यक्रम विद्यार्थीमार्फत समुदायमा पु¥याउनुपर्नेमा जोड दिए ।
प्रिन्सिपल सुरेश पौडेल र भाइस प्रिन्सिपल विनोद पौडेलले कोभिड अघिदेखि नै विद्यालयमा सञ्चालित अहिंसात्मक सञ्चार कार्यक्रमले शिक्षक र विद्यार्थीबीच सुमुधुर सम्बन्ध स्थापित गर्न सहयोग पुगेको बताए ।
अहिसांत्मक सञ्चार नेपालका अर्का संस्थापक राजन उपाध्यायले यस्ता कार्यक्रम हरेक विद्यालयमा सानै उमेरका विद्यार्थीलाई पुर्याउन सके भविष्यमा हुने सक्ने मानसिक विचलन र द्वन्द्व न्यूनीकरण हुने विश्वास व्यक्त गरे ।
शिक्षिका एवं कार्यक्रम संयोजक सगुन थापाले सिकाइ यात्रा अति नै उपायोगी रहेको बताउँदै उपयोग गर्न आग्रह गरिन् ।
छात्र सक्षम गुरुङ र छात्रा प्रेरणा केसीले सञ्चालन गरेको कार्यक्रममा अदित ज्वारचन र शरिना भट्टराईले सिकाइ अनुभव सुनाएका थिए । सुगारिका श्रेष्ठ र आयुष्मा बरालले ‘शान्ति’ शीर्षकमा कविता वाचन गरे ।
Related News
सम्बन्धित समाचार
पोखराका भवन निर्माणमा नयाँ प्रविधि
सामाजिक विकास केन्द्रद्वारा ३७७ जनालाई सेवा प्रदान
लिटल फ्लावरमा विविध कार्यक्रम
स्केटिङ तथा स्केटबोर्डिङ संघमा राजकुमार
महिलालाई आत्मनिर्भर बनाउँदै वडा कार्यालय
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१