पोखरा। गण्डकी प्रदेश सभाका सदस्य राजीव गुरुङ (दीपक मनाङे) ले भौतिक पूर्वाधार तथा विकास मन्त्रीको सपथ ग्रहण गरेका छन् ।
मुख्यमन्त्री सुरेन्द्रराज पाण्डेको उपस्थितिमा नवनियुक्त प्रदेश प्रमुख डिल्लीराज भट्टले मन्त्री मनाङेलाई सोमबार पद तथा गोपनीयताको सपथ ग्रहण गराएका हुन् । सपथ ग्रहण समारोहमा प्रदेशका मन्त्रीहरु, सांसदहरु र विशिष्ट श्रेणीका कर्मचारी लगायतको सहभागिता थियो ।
केन्द्रमा सत्ता समीकरण फेरबदलले गण्डकीमा समेत सरकार गिराउने र टिकाउने खेल चलिरहँदा मुख्यमन्त्री पाण्डेले सत्ता टिकाइराख्न मनाङेलाई महत्वपूर्ण मन्त्रालयका सुम्पिएका हुन् । माओवादी केन्द्रले समर्थन फिर्ता लिएपछि अल्पमतमा परेका मुख्यमन्त्री पाण्डेले अबको यही २१ चैतभित्र संसदमा विश्वासको मत लिनुपर्ने छ ।
विगतमा गुण्डागर्दीको छविका मनाङे गण्डकी प्रदेशको दोस्रो कार्यकालसम्म उनी योसहित चौथो पल्ट मन्त्री बनिसकेका छन् । पदभार ग्रहण गर्दै उनले मुलुकको ७० प्रतिशत बजेट भौतिक पूर्वाधारमा हुने र ठूलो भ्रष्टाचार त्यही हुने हुँदा विकास र सुशासनका लागि उक्त मन्त्रालय रोजेको प्रतिक्रिया दिए । तर उनले गण्डकीमा मध्यावधिको सम्भावना भएकोले आफू त्यसको विपक्षीमा रहेको बताए ।
प्रदेश सभाको दोस्रो कार्यकालका लागि मनाङबाट स्वतन्त्र चुनाव जितेर २ साता नबित्दै एकीकृत समाजवादीमा आबद्ध दीपक मनाङले आइतबार अबदेखि स्वतन्त्र नै रहने भन्दै प्रदेशसभा सचिवालयमा पत्र बुझाएका थिए ।
सत्ता समीकरण फेरिँदा मुख्यमन्त्री पाण्डेले गत २२ फागुनमा माओवादीका २ जना मन्त्रीहरुलाई बर्खास्त गरेका थिए । उनले भौतिक पूर्वाधार मन्त्री रेशमबहादुर जुग्जाली र सामाजिक तथा स्वास्थ्य मन्त्री सुशीला सिंम्खडालाई बर्खास्त गरेका थिए ।
६० सदस्यीय गण्डकी प्रदेश सभामा नयाँ गठबन्धनमा रहेका दलहरु एमाले, माओवादीले बहुमत पु¥याउन सक्दैनन् । सबैभन्दा ठूलो दल कांग्रेसको २७ सिट मात्र छ । एमालेको २२, माओवादीको ८, राप्रपाको २ सिट छ । एमाले र माओवादीले पनि सरकार गठनको गृहकार्य गरिरहेका छन् ।
Related News
सम्बन्धित समाचार
पोखराका भवन निर्माणमा नयाँ प्रविधि
सामाजिक विकास केन्द्रद्वारा ३७७ जनालाई सेवा प्रदान
लिटल फ्लावरमा विविध कार्यक्रम
स्केटिङ तथा स्केटबोर्डिङ संघमा राजकुमार
महिलालाई आत्मनिर्भर बनाउँदै वडा कार्यालय
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१