पोखरा । नेपाल महिला संघको पोखरा महानगर समितिले ११४ औं अन्तराष्ट्रिय श्रमिक महिला दिवसको अवसर पारेर विपन्न महिलाका लागि सहयोग तथा महिला सशक्तीकरणको लागि उत्प्रेरणा तालिम सम्पन्न गरेको छ । समितिले कम आयस्रोत भएका र सिप भएका महिलालाई सिलाइ मेसिन समेत हस्तान्तरण गरेको छ ।
संघले पोखरा–११ की सुनिता परियार, ७ की छलिमाया परियार, ८ की ज्ञानुदेवी राना श्रेष्ठ, १३ की सरीता परियार र १६ की अम्बिका परियारलाई सिलाई मेसिन उपलब्ध गराएको हो । नेपाली कांग्रेस केन्द्रीय सदस्य शारदा पौडेल लगायतले उनीहरुलाई मेसिन हस्तान्तरण गरेको महिला संघ नगर सभापति अम्बिका ढुंगानाले बताइन् ।
नेपाली कांग्रेसको केन्द्रीय सदस्य मनोनीत शारदा पौडेल, नेपाल ट्रेड युनियन कांग्रेसको केन्द्रीय उपाध्यक्ष ललिमाया शर्मा रेग्मी, गृह श्रमिक संघको अध्यक्ष चेतमाया पौडेल गीता, अधिवक्ता प्रीति पाण्डे र रेडियोकर्मी दुर्गा अधिकारीलाई सम्मान गरिएको छ ।
सोही कार्यक्रमका बीच अधिवक्ता माधवी पाण्डे र रेडियोकर्मी दुर्गा अधिकारीले महिला उत्प्रेरणा र आत्मनिर्भरता बारेमा प्रस्तुति दिएका थिए । नेपाल महिला संघ पोखरा महानगर समिति सभापति अम्बिका ढुंगानाको अध्यक्षतामा भएको कार्यक्रममा संघको कास्की जिल्ला सभापति मिना पाण्डे, कांग्रेसका जिल्ला सभापति किशोर बराल, महानगर समितिका सचिव कल्पना थापा र प्रीति पाण्डे एवं कोषाध्यक्ष सिर्जना श्रेष्ठ लगायतले भनाइ राखेका थिए ।
महिलालाई स्वरोजगार बनाएर आत्मनिर्भर बनाउन सके समाज यसै पनि समुन्नत हुने ठानेर आफूले कार्यभार सम्हालेदेखि नै यस्तै रचनात्मक कार्यक्रम गर्दै आएको सभापति ढुंगानाको भनाइ थियो ।
Related News
सम्बन्धित समाचार
मादल बजाउने तालिम
मकैको खोस्टाबाट फूल बनाउने तालिम
महिलाको लगानीमा सरफ उद्योग सञ्चालन
किशोरीका लागि सीपमूलक शिक्षा
हजुरआमा बनेपछि एसइई दिँदै कांग्रेस नेत्री भुसाल
hero news full width
मुख्य समाचार
धानको लोपोन्मुख प्रजाति संरक्षण गरिँदै
गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१