पोखरा । ललित गौचन स्मृति समाजसेवा सम्मान यस वर्ष पोखरा ७ स्थित माछापुच्छ«े महिला क्लबलाई प्रदान गरिएको छ । फोहोरमैला व्यवस्थापन र वातावरण सरसफाइ अभियानमा सक्रिय र उदारणीय कार्य गरेको भन्दै नागरिक समाज पोखराले हरेक वर्ष प्रदान गर्दै आएको उक्त सम्मान यसपालि क्लबलाई प्रदान गरिएको हो ।
सम्मान अर्पण गर्दै पोखरा महानगरपालिकाका मेयर धनराज आचार्यले सामूहिक प्रयासले मात्र पोखरालाई सफा, सुन्दर र हरियाली बनाउन सकिने बताए । उनले समाजलाई सुसंस्कृत बनाउन अहिले विद्यमान निराशा र अराजकतालाई सकारात्मक प्रयासमार्फत निर्मूल पार्नुपर्नेमा जोड दिए । पोखरालाई हरित सहररुपमा विकास गर्न लागिएको स्पष्ट पार्दै उनले वातावरण, पर्यावरणमैत्री बनाउन खोजेको बताउँदै घरमा हरियो रङ पोत्ने पोखरा महानगरले कही कतै निर्णय नगरेको स्पष्ट पारे ।
पोखरा ७ का वडाध्यक्ष राममोहन आचार्यले आफ्नो वडाको क्लब सम्मान भएकोमा खुसी व्यक्त गर्दै ललित गौचनसँग लामो समयसम्म आफू पनि जोडिएर काम गरेको स्मरण गरे । मासबार आमा समुहका अध्यक्ष शारदा गिरीले सुरुआति दिनमा स्व. ललित गौचनसँग जोडिएर पोखरा ७ मा थुपै्र सामाजिक कार्य गरेको बताए । व्यक्ति विशेषलाई दिँदै आएको सम्मान यस वर्षबाट सक्रिय संस्थालाई दिनु सकरात्मक भएको जनाए ।
सम्मानित संस्था माछापुच्छ्रे महिला क्लब अध्यक्ष गीता पौडेलले सम्मानले आफ्नो क्लबलाई थप ऊर्जा मिलेको बताइन् । फोहोरलाई मोहर बनाउन महानगरपालिका र वडाले सहयोग गरे थप सक्रियका साथ फोहोर मैला व्यवस्थापनमा लाग्ने जनाइन् ।
नागरिक समाज कास्की संयोजक नरेन्द्रमान लालचनको अध्यक्षतामा भएको कार्यक्रममा स्वागत सम्मान कार्यक्रम संयोजक विष्णुहरि अधिकारीले गरे । उनले सम्मानित संस्थाको परिचय पनि दिए । कार्यक्रम सञ्चालन समाजका प्रवक्ता गोकुलबहादुर कार्कीले गरेका थिए ।
ललित गौचनको स्मृितमा स्थापित समाजसेवा सम्मानबाट यसअघि प्रभा पन्त, गिरिराज अधिकारी, विश्वरत्न शाक्य, इन्द्र गुरुङ, शिवमाया श्रेष्ठ, विष्णुप्रसाद गुरुङ, दिलीपराज श्रेष्ठ र सन्ध्या गुरुङ तुलाचन सम्मानित भइसकेका छन् ।
Related News
सम्बन्धित समाचार
मादल बजाउने तालिम
मकैको खोस्टाबाट फूल बनाउने तालिम
महिलाको लगानीमा सरफ उद्योग सञ्चालन
किशोरीका लागि सीपमूलक शिक्षा
हजुरआमा बनेपछि एसइई दिँदै कांग्रेस नेत्री भुसाल
hero news full width
मुख्य समाचार
धानको लोपोन्मुख प्रजाति संरक्षण गरिँदै
गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१