पोखरा । पोखरा ११ काहुँडाँडास्थित काहँु आधारभूत विद्यालयको ५५ औं वार्षिकोत्सव सम्पन्न भएको छ । कार्यक्रम उद्घाटन गर्दै पोखरा शिक्षा महाशाखाका वरिष्ठ शिक्षा अधिकृत कृष्णप्रसाद भण्डारीले सामाजिक पवित्रस्थल शिक्षालय भएकाले कला र क्षमताको विकास गराएर विद्यार्थीको भविष्य उज्ज्वल बनाउनुपर्नेमा जोड दिए ।
पोखरा–११ का वडाध्यक्ष प्रेमप्रसाद कर्माचार्यले विद्यालयको शैक्षिक एवं भौतिक जग बलियो बनाउन आफू क्रियाशील भएको बताए । उनले बालमैत्री फर्निचर छिटोभन्दा छिटो वडाबाट उपलब्ध गराउने प्रतिबद्धता जनाए ।
विद्यार्थीलाई ५५ जोर न्यानो कपडा वितरण गर्दै समाजसेवी उर्मिला बस्नेतले आफूले निरन्तर सहयोग गरिरहने प्रतिबद्धता जनाइन् । उनले आफू तीर्थबहादुर बस्नेतको परिवारमात्र नभई समाजसेवामा पतिले देखाएको पवित्र कार्यमा हातेमालो गर्दै विद्यालयको हितमा अघि बढ्ने बताइन् । सो अवसरमा बलराम घिमिरेको समन्वयमा विद्यार्थीलाई जुत्ता र मोजासमेत हस्तान्तरण गरियो ।
समाजसेवी तारादेवी पहारीले आफ्ना पति एवं विद्यालयका पूर्व प्रधानाध्यापक दुर्गा पहारीको स्मृतिमा १ लाख ५ हजार ५ सय ५५ रुपैयाँको अक्षयकोष रकम हस्तान्तरण गरिन् ।
विद्यालयका प्रधानाध्यापक सुरजबहादुर क्षेत्रीले विद्यालयको वार्षिक अवस्थाबारे जानकारी गराएका थिए । उनले जोखिमयुक्त भवनमा विद्यार्थीलाई पढाउनु परेको दुखेसो पोखे ।
काहुँ बृहत् खानेपानी आयोजनाका अध्यक्ष मीनबहादुर गुरुङले अभिभावक भेला भने पनि उनीहरूका कुरा सुन्ने थलो नभएको तर्क गरे ।
कार्यक्रममा कक्षा नर्सरीदेखि कक्षा ५ सम्मका प्रथम, द्वितीय र तृतीय हुने विद्यार्थीलाई पुरस्कृत गरिएको विद्यालय शिक्षक दुर्गा पौडेल घिमिरेले जानकारी दिइन् ।
विद्यार्थीहरु कक्षा नर्सरीमा क्रमशः युनिक केसी, क्रियन्स कार्की, ओजस्वी लामिछाने, कक्षा केजीमा उज्ज्वल लामिछाने, आयुष्मा सुनार, रोनिक केसी प्रथम, द्वितीय र तृतीय भएका थिए ।
विद्यालय व्यवस्थापन समितिका अध्यक्ष तीर्थबहादुर बस्नेतले अभिभावकको सक्रिय उपस्थिति नै विद्यालयको गहना हुने बताए ।
उनले विद्यार्थीको क्षमता सरकारीमा कमजोर र बोर्डिङमा बढी हुने भ्रम समाजमा रहेकाले सबै शिक्षकले त्यसको जिम्मेवारी लिन सक्नुपर्नेमा जोड दिए ।
Related News
सम्बन्धित समाचार
अन्नपूर्ण र माछापुच्छ्रेमा नेराशि संगठनको अभिमुखीकरण
२ सय १४ विद्यार्थीलाई गल्याङ नपाको छात्रवृत्ति
राष्ट्रिय माविको दौडमा तेञ्जन र कविता प्रथम
‘शिक्षामा राजनीतिक हस्तक्षेप बढ्यो’
हिल प्वाइन्टमा विद्यार्थी तथा शिक्षकको स्वागत
hero news full width
मुख्य समाचार
कांग्रेस नेता खगेन्द्रराज रेग्मीको निधन
पहिले छाती नाप्न गल्ला आउँथे, अहिले एजेन्ट
वैशाख ३१, २०८१जग्गाधनीले रोके रुपाताल परियोजनाको काम
वैशाख ३०, २०८१चेक बाउन्सको समस्याले व्यवसायी र प्रहरीलाई हैरान
वैशाख ३०, २०८१मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
वैशाख ३०, २०८१नियन्त्रित मुद्रास्फीति, शोधनान्तर र चालुखाता बचतमा
वैशाख ३०, २०८१