पोखरा ।
नेपाल राष्ट्रिय शिक्षक संगठन माछापुच्छ्रे गाउँपालिकामा मार्च टु लोकल लेबल २०२४ कार्यक्रम शनिबार सम्पन्न भएको छ । सांगठनिक सुदृढीकण तथा शैक्षिक गुणस्तर अभिवृद्धिका लागि नेपाल राष्ट्रिय शिक्षक संगठन राष्ट्रिय समितिको विशेष अभियानअन्तर्गत कार्यक्रम गरिएको हो ।
नेपाल राष्ट्रिय शिक्षक संगठन गण्डकी प्रदेश समिति सदस्य उमनाथ गौतमले कार्यक्रम उद्घाटन गरे । उनले शिक्षक सबैभन्दा पहिले आफ्नो कार्यक्षेत्रमा अब्बल हुनुपर्ने बताउँदै कर्तव्य पूरा गरेपछि मात्र अधिकारको कुरा आउने बताए ।
कार्यक्रमका मुख्य प्रशिक्षक नेराशिसंगठन कास्कीका सहसचिव तथा माछापुच्छ्रे गापाका इन्चार्ज जुना थापाले नेपाल राष्ट्रिय शिक्षक संगठनको इतिहास, संगठनको
आवश्यकता, शिक्षक आन्दोलनका उपलब्धि, संगठन विस्तार र सुदृढीकरणका चुनौती र रणनीति, पोखरामा गर्न लागिएको दरबन्दी मिलानलगायत विषयमा प्रशिक्षण दिइन् ।
नेराशिसं माछापुच्छ्रे गाउँपालिकाका अध्यक्ष कृष्णप्रसाद चापागाईंको अध्यक्षतामा भएको कार्यक्रम सञ्चालन उपाध्यक्ष जित क्षेत्रीले गरेका थिए ।
यस्तै, नेपाल राष्ट्रिय शिक्षक संगठन राष्ट्रिय समितिको विशेष अभियानअन्तर्गत अन्नपूर्ण गाउँपालिका समिति, कास्कीको आयोजनामा मार्च टु लोकल लेभल कार्यक्रम सम्पन्न भएको छ । सांगठनिक सुदृढीकरण तथा शैक्षिक गुणस्तर अभिवृद्धिका लागि स्थानीय पालिकाहरुमा अभिमुखीकरण गरिएको हो ।
यसैबीच २०८० सालको शिक्षक सेवा आयोगको परीक्षाबाट सफलता प्राप्त गरी अन्नपूर्ण गाउँपालिकामा पदस्थापन भएका शिक्षकहरुलाई स्वागत तथा सम्मान गरिएको छ ।
नेपाल राष्ट्रिय शिक्षक संगठन कास्कीका कोषाध्यक्ष एवं अन्नपूर्ण इन्चार्ज माधव पाहारीले शिक्षकहरू कक्षाकोठामा अब्बल र समुदायमा अनुकरणीय हुनुपर्ने बताए । कार्यक्रममा कास्की जिल्ला समितिका सचिवालय सदस्य तोरणबहादुर केसी, शिक्षक हित बचत तथा ऋण सहकारी संस्थाका उपाध्यक्ष बाबुराम भुजेललगायतले बोलेका थिए ।
संगठन अन्नपूर्ण गापाका अध्यक्ष हरि भण्डारीको अध्यक्षतामा भएको कार्यक्रममा स्वागत पालिका उपाध्यक्ष इन्दकुमारी गुरुङ र सञ्चालन सचिव कीर्तिराज ढकालले गरेका थिए ।
Related News
सम्बन्धित समाचार
अमरसिंहमा छात्रवृत्ति वितरण
गण्डकी बोर्डिङलाई अन्तर्राष्ट्रियस्तरको बनाउने प्रण
जानकीका विद्यार्थीलाई पोखरा ग्राण्डको साथ
प्रतिभा माविको विद्यार्थी स्वागत
सञ्चारमाध्यममा ३३ प्रतिशत पत्रकार महिलाको सहभागितामा जोड
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१