पोखरा । अन्नपूर्ण गाउँपालिका वडा नं. १ र २ स्थित तारेपहरो डम्ठी सामुदायिक वन उपभोक्ता समूहको ११ औं साधारणसभा तथा चौथो अधिवेशनले पुनः दुर्गादत्त दाहाल (सूर्य) को अध्यक्षतामा नयाँ कार्यसमिति चयन गरेको छ ।
अधिवेशनले उपाध्यक्ष धनपति अधिकारी, सचिव दीपकराज दाहाल, कोषाध्यक्ष भृकुटी अधिकारी तथा सहसचिव शोभाखर अधिकारी चयन गरेको छ । सदस्यहरू टेकप्रसाद अधिकारी, भानुभक्त अधिकारी, हरिमाया अधिकारी, धनकुमारी दाहाल, भगवती भण्डारी दाहाल र सरस्वती अधिकारी छन् ।
मनपति अधिकारीको संयोजकत्वमा भूपू वडाध्यक्ष चूडामणि अधिकारी तथा खगराज अधिकारी सदस्य रहेको निर्वाचन मण्डलले सर्वसम्मत समिति चयन गरेको हो ।
भेलाले नवराज अधिकारीको संयोजकत्वमा चूडामणि अधिकारी र टंकप्रसाद दाहाल सदस्य रहेको लेखा समिति तथा उमनाथ दाहालको संयोजकत्वमा शालिकराम दाहाल र सोमनाथ दाहाल सदस्य रहेको चोरीसिकार नियन्त्रण समिति पनि गठन गरेको छ ।
कार्यक्रम उद्घाटन गर्दै पालिका उपाध्यक्ष चन्द्रकला देवकोटा अधिकारीले सामुदायिक वन नेपालको धन भएको उल्लेख गर्दै वनमार्फत् उपभोक्ताको जीवनस्तर उकासिनुपर्ने बताइन् । उनले वन उद्यममा जोडिन आग्रह गर्दै संरक्षण गर्दै दिगो वन व्यवस्थापनमा ध्यान दिनुपर्ने औँल्याइन् ।
अन्नपूर्ण २ का वडाध्यक्ष पीताम्बर भण्डारी, वन कार्यालयका प्राविधिक थानेश्वर पौडेल, कार्यपालिका सदस्य पुष्पा पुन, वडा सदस्यद्वय माया अधिकारी र भानुभक्त दाहाल, समाजसेवीहरू चूडामणि अधिकारी, खगराज अधिकारी, मनपति अधिकारी, केदारनाथ अधिकारी, पालिका कर्मचारीहरू ठाकुरप्रसाद अधिकारी र डण्डपाणि अधिकारीले पनि भनाइ राखे ।
अध्यक्ष दाहालले समूह दर्ता गर्दाका अनुभव सुनाउँदै वनमार्फत उपभोक्ताको जीविकोपार्जनमा सुधार गर्ने लक्ष्य राखिएको बताए । उनले चोरी सिकारीबाट वनलाई जोगाइएको स्पष्ट पार्दै उत्पादनमूलक रुपमा बेसार, अलैंची, सिल्टीमुरलगायत मसलाजन्य तथा केही फलफूलका बोटहरू लगाइएको जानकारी दिए ।
समूह अध्यक्ष दुर्गादत्त दाहालको अध्यक्षतामा भएको कार्यक्रम सचिव दीपकराज दाहालले सञ्चालन गरेका थिए ।
Related News
सम्बन्धित समाचार
कोशी, बागमती, गण्डकी र लुम्बिनी प्रदेशका केही स्थानमा भारी वर्षा हुने
पोखरा देशभरकै प्रदूषित सहर
आज कोशी, बागमती र गण्डकीमा वर्षाको सम्भावना
अझै दुई दिन पानी पर्ने
पोखरामा मनाइयो विश्व सिमसार दिवस
hero news full width
मुख्य समाचार
पहिले छाती नाप्न गल्ला आउँथे, अहिले एजेन्ट
जग्गाधनीले रोके रुपाताल परियोजनाको काम
वैशाख ३०, २०८१चेक बाउन्सको समस्याले व्यवसायी र प्रहरीलाई हैरान
वैशाख ३०, २०८१मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
वैशाख ३०, २०८१नियन्त्रित मुद्रास्फीति, शोधनान्तर र चालुखाता बचतमा
वैशाख ३०, २०८१फेवाबाट जलकुम्भी हटाउन अभियान सुरु
वैशाख ३०, २०८१