पोखरा । अन्नपूर्ण गाउँपालिकामा जैविक विविधता प्रदर्शनी मेला भएको छ । गाउँपालिका कृषि शाखा आयोजनामा भएको मेलाबीच विभिन्न ११ कृषि समूह तथा सहकारीले स्थानीय कृषि जैविक विविधता प्रदर्शन गरे । राष्ट्रिय कृषि जैविक विविधता दिवस अवसर पारी शाखाले दोस्रो पटक मेला आयोजना गरेको हो । जसमा लिवर्ड तथा अन्नपूर्ण बहुप्राविधिक शिक्षालयको समन्वय रह्याे ।
सो अवसरमा जैविक विविधतामा महत्वपूर्ण योगदान पुर्याएकोमा अन्नपूर्ण–३, मराउँचेस्थित प्रगतिशील कृषि उत्पादक सहकारी संस्थालाई ५० हजारसहित सम्मान गरियो ।
त्यस्तै, स्टल प्रदर्शनीतर्फ सल्यानको साना किसान कृषि सहकारी प्रथम, सेराचौरको आदर्श कृषि सहकारी दोस्रो साथै ढिकुरपोखरी स्थित भविष्य हाम्रो हातमा कृषि सहकारी तेस्रो भए ।
प्रथम, द्वितीय र तृतीयलाई क्रमश ५ हजार, ३ हजार, २ हजार साथमा प्रमाणपत्र प्रदा नगरियो । कार्यक्रमबीच धान, कोदो, गहुँ लगायत विभिन्न कन्दमुल प्रदर्शन गरियो ।
मेला उद्घाटन गर्दै कृषि ज्ञान केन्द्र कास्की प्रमुख किरण सिग्देलले जैविक विविधता संरक्षणमा यथेष्ट ध्यान दिनुपर्ने उल्लेख गर्दै किसानलाई बिना हिचकिचाहट कृषि कर्ममा होमिन आग्रह गरे । उनले व्यावसायिक रुपमा गुणस्तरीय उत्पादनतर्फ ध्यान दिन सुझाव समेत दिए ।
गाउँपालिका अध्यक्ष विष्णुबहादुर केसीले आफूहरु किसानको पक्षमा रहेको स्पष्ट पार्दै कृषि बिचौलियालाई निरोत्साहित गर्नुपर्ने औंल्याए ।
त्यस अवसरमा पालिका उपाध्यक्ष चन्द्रकला देवकोटा अधिकारी, प्रवक्ता समेत रहेका वडा ७ का अध्यक्ष भरतमान गुरुङ, अन्नपूर्ण १ का अध्यक्ष तुलसीप्रसाद अधिकारी, २ का अध्यक्ष पिताम्बर भण्डारी, ३ का अध्यक्ष फणिन्द्रप्रसाद पौडेल, वडा ६ का अध्यक्ष एकदेव देवकोटा, शाखाका कर्मचारी मनोज कठायत लगायतले पनि धारणा राखे ।
अध्यक्ष केसीको अध्यक्षतामा भएको उक्त कार्यक्रममा कर्मचारी मन्दिरा खत्रीले स्वागत र कृषि शाखा प्रमुख सरोज कुँवरले कार्यक्रम सञ्चालन गरे ।
Related News
सम्बन्धित समाचार
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१