पोखरा । पोखरा वडा कार्यालय १५ को आयोजनामा मंगलबारदेखि वडा १५ स्तरीय दोस्रो बृहत् खेलकुद महोत्सव–२०८० सुरु भएको छ ।
प्रतिनिधि सभा सदस्य विद्या भट्टराईले एक समारोहबीच महोत्सवको उद्घाटन गरिन् । सो अवसरमा उनले खेल क्षेत्रले नेपाललाई अन्तर्राष्ट्रिय क्षेत्रमा चिनाएको बताइन् । खेलाडीहरुको मेहनतकै कारण देशले खेलकुदका विभिन्न स्पर्धाहरुमा अन्तर्राष्ट्रिय पदक जितेको बताउँदै अब राष्ट्रले पनि खेलाडीको महत्व बुझ्नुपर्नेमा जोड दिइन् । वडास्तरमा हुने यस्ता प्रतियोगिताबाट खेलाडी उत्पादन तथा नवप्रतिभाको पहिचान हुने भट्टराईको भनाइ थियो ।
वडाध्यक्ष तोरणबहादुर बानियाँले वडावासीविच भाइचारा सम्बन्ध प्रगाढ पार्दै स्वस्थ्य नागरिक उत्पादनका वडाले खेलकुदका कार्यक्रमलाई प्राथमिकतामा राखेको जनाए । आगामी वर्षहरुमा यो कार्यक्रमलाई अझै बृहत्तर रुपमा आयोजना गरिने बानियाँले औंल्याए । महोत्सवमा सहभागिताका लागि वडावासीले देखाएको उत्साहले आफुहरुलाई झनै हौसला र उर्जा प्राप्त भएको उनले बताए ।
प्रतियोगिता संयोजक समेत रहेका वडा सदस्य आशीष भण्डारीले गत संस्करणको खेलकुद महोत्सवमा सहभागि भएको खेलाडीहरुले पोखरामा आयोजना भएका विभिन्न प्रतियोगिताहरुमा उपाधि जित्दै वडाको गौरव बढाएको जनाए । वन विज्ञान अध्यायन संस्थान भित्रको मैदानमा सुरु प्रतियोगिताको उद्घाटन समारोह वडा सदस्य मन्दिरा परियारले कार्यक्रम सञ्चालन गरेकी थिइन् ।
त्यसअघि वडा १५ भित्र रहेका झण्डै डेढ दर्जन संघसंस्थाले खेल मैदानमा मार्च पास गरेका थिए । तीनदिनसम्म चल्ने महोत्सवमा खुला फुटबल, विद्यालयस्तरीय फुटबल, महिला तथा पुरुष भलिबल, बास्केटबल, महिला तथा पुरुष दौड, व्याडमिण्टन, रस्साकसी लगायत विभिन्न खेलका झन्डै १ हजार २ सय खेलाडीले भाग लिएका छन् ।
Related News
सम्बन्धित समाचार
क्लबस्तरीय पुरुष भलिबल, जनकल्याण पोखरा–११ फाइनलमा
पोखरामा शनिबार राष्ट्रिय साइकल दौड प्रतियोगिता
फिस्टेल एसइई कप २०८१ को तयारी
गण्डकी प्रदेशको प्रतिनिधित्व गर्ने राष्ट्रिय भलिबल खेलाडी सम्मानित
पोखरामा नेपाल लोकतान्त्रिक खेलकुदको भलिबल
hero news full width
मुख्य समाचार
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१