पोखरा । आयोजक मदन भण्डारी स्पोर्टस् एकेडेमी आयोजनामा पोखरा रंगशालामा जारी केपी ओली कप राष्ट्रिय टि–२० क्रिकेट प्रतियोगितामा सोमबारको खेल विभागीय त्रिभुवन आर्मी क्लब र मधेश प्रदेशले जितेका छन् ।
आयोजक मदन भण्डारी स्पोर्टस् एकेडेमी ‘नीलो’ लाई आर्मीले ११० रनको फराकिलो अन्तरले पराजित गर्दै विजयी सुरुआत ग¥यो । १९६ रनको विशाल रनको लक्ष्य पाएको आयोजक १५.४ ओभरमा ८५ रनमा समेटिन पुगेको हो ।
त्यसअघि, आर्मीले पूरै २० ओभर खेल्दै ६ विकेटको क्षतिमा १९५ रनको योगफल तयार पारेको थियो । सन्तोष कार्कीले ७ चौका प्रहार गर्दै टिमका लागि सर्वाधिक ४१ रन बनाए । ३५ बलको सामना गरेका उनी धवन सहनीको बलमा आउट भए ।
विनोद भण्डारीले २४ बलमा ३ चौका र ३ छक्का मद्दतमा ३८ रन बनाए । प्लेयर अफ दि म्याच कुशल मल्लले २५ रन जोड्दा वासिर अहमदले २३ र रोहित पौडेलले १२ बनाउन सके । अर्का ब्याट्सम्यान सन्दीप रजाली र भीम सार्की नटआउट खेल्दै समान ६–६ रन बनाए । मदन भण्डारी स्पोर्टस्का लागि मेहुल श्रेष्ठले २ विकेट लिँदा शुभम खनालले १ विकेटमात्र झार्न सके ।
आर्मीका कुशल मल्लले मात्र २ रन खर्चिदा ३ विकेट हात पारे । उनले सिमोन रोय, कुशल रुपाखेती र डायमण्ड मण्डललाई पेभिलियन फर्काएका हुन् । आयोजकका लागि निर्भीक पाठकले २८ रन बनाउँदै रन आउट खेले । रणवीर यादवले १६ रनको व्यक्तिगत योगदान दिँदा ओपनर रोनिम तिवारीले १५ रन बनाए । आर्मीका लागि जितेन्द्र मुखिया र साहव आलमले समान २–२ विकेट लिँदा रोहित पौडेल र विवेक यादवले १ विकेट हात पारे ।
अर्को खेलमा मधेश प्रदेशले सुदूरपश्चिम प्रदेशलाई ८ विकेटले पराजित गरेको छ । मात्र ५८ रनको लक्ष्य पाएको मधेशले २ विकेटको क्षतिमा ९२ बल बाँकी रहँदै पूरा गरेको हो ।
सुदूरपश्चिमले १५.५ ओभर खेल्दै ५८ रनमा अलआउट हुन पुगेको थियो । ओपनर अभिषेक पाल रुपेश सिंहको बलमा खाता नखोली पेभिलियन फकिंदा गजेन्द्र बोहोरा पनि ४ रनमै आउट भए । कप्तान राजु रिजाल २ रनमा आउट भए । त्यस्तै खडक बोहोरा ९ बलको समना गर्दै १ रनमा पभेलियन फर्किए । वसन्त कार्कीले ४ रन बनाउँदा किरण ठगुन्नाले १० रन जोडे । नरेश साउदले १८ रनको योगदान दिँदा भोजराज भाट १० रनमा सीमित भए ।
मधेश प्रदेशका हरिशंकर साहले सर्वाधिक ४ विकेट लिए । रुपेश सिंहले ३ विकेट लिँदा अनिल साहले १ विकेट लिए ।
मधेश प्रदेशले मात्र २ विकेट गुमाउँदै लक्ष्य पूरा गर्न सफल भएको हो । ३ बल सामना गरेका प्लेयर अफ दि म्याच हरिंशकर साहलाई गजेन्द्र बोहोराको बलमा शून्यमै आउट गरेपछि मधेश दबाबमा परेको थियो । तर अनिल साहले जितको आधार तयार पारे । अनिलले ११ बल खेल्दै ३ चौका र २ छक्का हिर्काउँदै २५ रन बनाए । इमरान शेख र पवन सरार्फले २७ रनको साझेदारी रहँदा नटआउट खेले ।
मंगलबार सुदूरपश्चिम र नेपाल पुलिस तथा अर्को खेल कोशी प्रदेश र त्रिभुवन आर्मीबीच हुनेछ ।
…..
तस्बिरः योगेन्द्र श्रेष्ठ
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
एचआइभी संक्रमणले पढाइबाट वञ्चित
हातपात अभियोगमा पक्राउ
तमु धिंको ४० औं स्थापना दिवसमा गण्डकीका मन्त्रीहरुको सम्मान
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१