पोखरा । पोखराको आकाशमा उड्न अब १२ हजार तिर्नुपर्ने भएको छ । नेपाल हवाई खेलकुद संस्था (ना) ले ७ असारदेखि लागु हुने गरी प्याराग्लाइडिङ उडानको दररेट वृद्धि गरेको हो ।
यसअघि ८ हजार ५ सय रहेकोमा अबदेखि प्रतिउडान १२ हजार तिर्नुपर्ने भएको हो । ना अध्यक्ष सुनिल भट्टराईले भने, ‘हामीले असार ७ देखि लागु हुने गरी प्याराग्लाइडिङको रेट बढाएका हौं । पहिला ८ हजार ५ सय थियो अहिले त्यसलाई बढाएर १२ हजार बनाएका छौं ।’ १२ हजारमा इन्स्योरेन्स, पाइलटको खर्च पर्ने उनको भनाइ छ । पोखरमा अन्तर्राष्ट्रिय विमानस्थल सञ्चालनपछि आफूहरुको खर्च बढेको र समय अनुसार रकम बढाएको उनले दाबी छ । पहिले तोरीपानी र सराङकोटबाट हुने गरेको प्याराग्लाइडिङ अहिले सरेर मान्द्रेढुंगा पुगेको छ । जसले गर्दा खर्च बढेको उनले बताए ।
अहिले बढाएको रकमबाट प्याराग्लाइडिङ पाइलटहरुले प्रतिउडानको ६ हजार हाराहारीमा प्राप्त गर्ने नाका पूर्व उपाध्यक्ष सोभित बानियाँले बताए । ‘असार ७ देखि एक फ्लाइटको ६ हजारको हाराहारीमा पाउँछन्,’ बानियाँले भने, ‘पहिला ३९ सय जति पाउथे । अब पाइलटहरुका लागि पनि राहत होला ।’ विदेशतिर प्रतिउडानको १ सय डलर लिने गरिएकाले नेपालमा १२ हजार रुपैयाँ बनाउँदा विदेशीका लागि केही फरक नपर्ने ना अध्यक्ष भट्टराईले बताए ।
नासँग ६० प्याराग्लाइडिङ कम्पनीहरु आवद्ध छन् । तीमध्ये ५२ चालु अवस्थामा रहेको अध्यक्ष भट्टराईले जानकारी दिए । सबै कम्पनीहरुमा गरी ३ सय ७५ जना लाइसेन्स प्राप्त प्याराग्लाइडिङ पाइलट छन् । हाल २ सय ५० जना पाइलटहरु सेवामा रहेको उनले बताए ।
Related News
सम्बन्धित समाचार
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१