पोखरा । माउन्ट अन्नपूर्ण माध्यमिक विद्यालय पोखरा नदीपुरमा कक्षा १ र २ मा अध्ययनरत विद्यार्थीका अभिभावकका लागि कारुणिक अभिभावकत्व प्रशिक्षण दिइएको छ ।

प्रशिक्षक श्रीराम तिमिल्सिनाले सहभागी अभिभावकलाई प्रशिक्षण दिएका थिए । बालबालिकालाई भय, त्रास र हिंसाबाट मुक्त गराई सहभागितात्मक र बालमैत्री वातावरणमा उनीहरूको शारीरिक तथा मानसिक विकासका लागि अभिभावकले खेल्नुपर्ने भूमिका प्रष्ट्याएका थिए ।

विद्यालय व्यवस्थापनका तर्फबाट तेज गुरुङले सहजीकरण गरेका थिए । कार्यक्रममा विद्यालयका प्रधानाध्यापक सइन्द्रराज श्रेष्ठ, निर्देशक अशोक शाही साथै विद्यालय व्यवस्थापनबाट चित्र गुरुङले प्रशिक्षणको औचित्यमाथि प्रकाश पारेका थिए । कार्यक्रमको संयोजन झम गुरुङले गरेका थिए ।

अभिभावकबाहेक शिक्षकका लागि शिक्षण सिकाई क्रियाकलाप तथा व्यावसायिक क्षमता अभिवद्धि र विद्यार्थीका लागि विभिन्न अभिमुखीकरण तालिम सञ्चालन गर्दै आएको प्रधानाध्यापक श्रेष्ठले बताए ।