पोखरा । पोखरा महानगरपालिकाले आगामी वर्षको बजेटमा कौसी खेती र करेसा खेतीलाई जोड दिने बताएको छ । पोखरा महानगरपालिकाकी उपप्रमुख मञ्जुदेवी गुरुङले बजेटमा कृषिलाई बढी प्राथमिकता दिने बताएकी हुन् ।
सहरी कृषि, कम्पोस्ट बिनमा मल बनाउने तथा कौसी/करेसा खेती अभिमुखीकरण कार्यक्रममा उपप्रमुख गुरुङले पोखरामा कौसी खेतीको निकै ठूलो महŒव रहेको बताइन् । पर्यटनपछि पोखराको समृद्धिको पाटो कृषि भएकाले महानगर यसमा चनाखो रहेको उनको भनाइ थियो । कृषि हुने जमिनमा घर बनेकाले पोखरामा कौशी खेती उपयोगी छ । ‘पछिल्लो समय पोखरामा फोहर व्यवस्थापनको ठूलो चुनौती छ । यो अवस्थामा केही फोहरबाट मल बनाएर कौसी खेतीमा प्रयोग गर्न सकियो भने ठूलो सहयोग हुन्छ,’ उनले भनिन्, ‘फोहोर व्यवस्थनमा टेवा पुग्नुका साथै स्वास्थ्य सरसफाई, वातावरण र अर्थसँग जोडिएको कौसी खेती पोखराका लागि निकै महŒवपूर्ण छ ।’
उक्त कार्यक्रममा कौसी र करेसा खेती गर्ने किसानको माग सम्बोधन गर्न महानगर तयार रहेको उनले सुनाए । सोही अवसरमा आगामी आर्थिक वर्षको बजेटको बारेमा छलफल पनि भएको थियो । किसानहरूले कौसी खेती गर्नका लागि मल र बिउमा अनुदानसँगै छुटको माग गरेका थिए ।
कार्यक्रममा पोखरा महानगरका कृषि विकास महाशाखा प्रमुख मनहर कडरियाले कौसी खेती फोहोर व्यवस्थापनको राम्रो माध्यम बन्ने बताए । पोखराका वडा १ देखि १७ सम्म बजार क्षेत्र भएकाले यस क्षेत्रमा कौसी र करेसा खेती बाहेक अरु विकल्प नरहेको उनले सुनाए । ‘पोखरामा दैनिक १ सय टनभन्दा बढी फोहर निस्कन्छ । यसमा ६५ प्रतिशत कुहिने खालका फोहर हुन्छ भने त्यसको आधा फोहोरबाट कम्पोस्ट मल बनाउन सकिन्छ,’ उनले भने, ‘यसरी मल बनाउँदा फोहर व्यवस्थापन त हुने नै भयो । यो सँगै व्यायाम हुने, अर्गानिक खाएर स्वस्थ हुन सघाउँछ ।’
उनले घरको फोहोरबाट मल बनाउने घरमा फोहोर करमा छुट दिने गरी महानगरले योजना बनाउने बताए । साथै, कौसी र करेसा खेती गर्ने किसानलाई प्राङ्गारिक मल र अन्य कृषि सामग्रीमा छुट दिने गरी कृषि महाशाखाले काम गर्ने प्रमुख कडरियाले बताए । सोही अवसरमा महानगरभित्रका ५० जना कृषकलाई ५० वटा कम्पोस्ट बिन वितरण गरिएको उनले जानकारी दिए ।
पोखरा कौसी करेसा खेती समूहको समन्वयमा भएको कार्यक्रममा पोखरा ८ की किसान शुशीला गिरीलाई उत्कृष्ट कौसी खेती गरेकाले सम्मान गरेको थियो । सोही अवसरमा श्री कम्प्लेक्स एग्रो प्रालिका अध्यक्ष झलकराज श्रेष्ठ, पोखरा कौसी करेसा खेती समूहकी अध्यक्ष भावना रानाभाट, कृषि सञ्जाल पोखरा ७ का अध्यक्ष पंकज पौडेल, वडा नं ९ का विमला रानाभाटलगायतले कौसी करेसा खेतीको महŒवबारे बोलेका थिए ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१