पोखरा । पृथ्वीनारायण क्याम्पस, अ‌ंग्रेजी शिक्षा विभागले एमएड तहका विद्यार्थीहरुको लागि शोध प्रस्ताव तथा शोधपत्र लेखन सम्बन्धी एकदिने कार्यशाला गोष्ठी गरेको छ ।

कार्यक्रममा शिक्षा शास्त्र संकायका सहायक क्याम्पस प्रमुख यादवराज अधिकारीले अनुसन्धान प्रक्रिया चुनौतीपूर्ण हुने भए पनि निरन्तरको लगावले यो सहज हुने बताए ।

विभागका प्राध्यापक र एम एड चौथो सेमेस्टरका विद्यार्थी समेत ४० जना सहभागी रहेको कार्यक्रममा डा. पितृराज बास्तोला, डा. पीताम्बर पौडेल, पीताम्बर गौतमले अनुसन्धानका विविध आयामबारे प्रकाश पारेका थिए । विभागका प्रमुख डा. नवराज न्यौपानेको सभापतित्वमा सम्पन्न कार्यक्रममा विभागका सदस्य मदनप्रसाद बरालले स्वागत र कार्यक्रम सञ्चालन युवराज दवाडीले गरेका थिए ।