पोखरा । भर्खरै मात्र भैरवजात्रा सकिएको पोखरामा बाघजात्राको तयारी थालिएको छ । एक शताब्दी अघिदेखि पोखरामा देखाउन थालिएको बाघ जात्रा २३ वर्षदेखि रोकिएको थियो ।
२०५७ सालमा ३ दिन पोखरामा देखाइएको बाघ जात्रा अब प्रदर्शनको तयारी थालिएको हो । पोखरामा भैरव नाच र बाघ जात्रा ३ वर्षको अन्तरालमा देखाउने गरी तयारी गरिएको तयारी समिति सचिव सुनिल उलकले बताए ।
बाघजात्राका लागि ९० देखि सय जनासम्म कलाकारसहित जनशक्ति चाहिने तयारी समिति संयोजक जवाहरलाल श्रेष्ठले जानकारी दिए । बाघ जात्रामा राजा, रानी, मन्त्री, घोडासहित सेना, प्रहरी र जनता पात्रका रुपमा समावेश हुन्छन् । भैरवनाच संरक्षण समिति अध्यक्ष तीर्थमान प्रधानांगले लाखेजात्रा, घोडेजात्रा र माघेजात्राको संयुक्त रुप बाघजात्रा भएको उल्लेख गरे । तयारी समिति सदस्य दीपेन्द्र श्रेष्ठले बाघजात्रा रैथाने र मौलिक जात्रा भएको बताए ।
भैरव नाचकै गुरु कृष्णदेव प्रधानांगले बाघजात्राको प्रशिक्षण गराउने भएका छन् । आउने भदौ १८ देखि २० सम्म जात्रा निकाल्ने तयारी भइरहेको छ ।
बाघजात्राको खर्चका लागि पोखरा महानगरपालिकादेखि वडासम्मले सहयोगको प्रतिबद्धता जनाएका छन् । बाघजात्रा तयारीसम्बन्धी छलफल कार्यक्रममा पोखरा महानगरपालिकाका कार्यवाहक प्रमुख मोतिराज तिमिल्सिनाले धर्मसंस्कृति पोखरेलीको गौरव भएकाले यसको जगर्नेनाका लागि महानगरले सहयोग गर्ने प्रतिबद्धता जनाए ।
पोखरा–२ का वडाध्यक्ष दिवशमान प्रधानांगले संस्कृति सम्पत्ति भएकाले यसलाई जोगाउन वडाले सहयोग गर्ने बताए । पोखरा–३ का वडाध्यक्ष प्रकाश उदासले सुसंस्कृत हुनुपर्ने भन्दै यो पहिचानसँग जोडिएको विषय भएको बताए । कार्यक्रममा पोखरा–११ का वडाध्यक्ष प्रेम कर्माचार्य, पोखरा–२३ का वडाध्यक्ष रामकाजी गुरुङले समेत बोलेका थिए ।
नेवा खलः कास्की अध्यक्ष अशोक पालिखेले बाघजात्रा नेवारको मात्र होइन, पोखरेलीको जात्रा हो भन्दै यसलाई सबै मिलेर जोगाउनुपर्नेमा जोड दिए । पोखरा उद्योग वाणिज्य संघका उपाध्यक्ष उत्तममान बुद्धाचार्यले बाघजात्रा सांस्कृतिकसँगै व्यापारिक प्रवद्र्धनका लागि निकालिने गरेकाले यसको महत्व अहिल ेपनि उत्तिकै रहेको बताए । नेवा मिस पुचःका अध्यक्ष संगीता बज्राचार्यले जात्रा आयोजनाका लागि आफूहरु दिनरात खटिन तयार रहेको बताइन् ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
hero news full width
मुख्य समाचार
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१