पोखरा । एसिया ट्राइयाथलन कप प्रतियोगितामा पुरुषतर्फ लक्जेम्वर्गका बव हलर र महिलातर्फ स्लोभाकियाकी मार्गरेटा विकानोभाले जितेका छन् ।
पोखराको लेकसाइडमा शनिबार भएको प्रतियोगितामा पुरुषतर्फ हलरले समग्रमा ५५ मिनेट ५५ सेकेन्डमा पुरा गर्दै उपाधि तिजेका छन् । उनले ७.५ किमी पौडी ९ मिनेट ६ सेकेन्ड, २० किमी साइक्लिङ २८ मिनेट १६ सेकेन्ड र ५ किमी दौड १७ मिनेट १३ सेकेन्डमा पूरा गरेका हुन् ।
उज्वेकिस्तानका एलेक्सान्ड कुरिसोभ हलरभन्दा २ सेकेन्ड मात्रले पछि पर्दा दोस्रोमा सीमित भए । उनले पौडी ८ मिनेट ५८ सेकेन्ड, साइक्लिङ २८ मिनेट १५ सेकेन्ड र दौड १७ मिनेट १२ सेकेन्डमा पूरा गर्दै समग्रमा ५५ मिनेट ५७ सेकेन्ड लगाए ।
लक्जेम्वर्गका स्टेफन जाचाउस तेस्रो (५६ मिनेट १ सेकेन्ड) तेस्रो र जापानका क्योटारो योसिकावा (५६ मिनेट ९ सेकेन्ड) चौथो भए ।
महिलातर्फ उपाधि विजेता स्लोभाकियाकी मार्गरेटा विकानोभाले १ घण्टा ४ मिनेट ५१ सेकेण्डमा निर्धारित दुरी पूरा गरेकी हुन् । जापानकी मिनोरी इकेनोले १ घन्टा ५ मिनेट १८ सेकेण्ड दोस्रो र जापानकै चिस्टो नाकाजिमा १ घन्टा ५ मिनेट ३० सेकेण्ड लगाउँदै तेस्रो भइन् ।
साउथ एसियन कपतर्फ इलाइट पुरुषतर्फ भारतका आदर्श मुरालीधरन नेर सिनिमोल पहिलो भए । उनले पौडी ११ मिनेट १ सेकेण्ड, साइक्लिङ ३२ मिनेट ५८ सेकेण्ड र दौड १८ मिनेट ४८ सेकेण्ड गरी कुल १ घण्टा ४ मिनेट १६ सेकेन्ड लगाए । भारतकै विश्वनाथ यादव दोस्रो र नेपालका वसन्त थारु तेस्रो भए । विश्वनाथले समग्रमा १ घण्टा ६ मिनेट २५ सेकेन्ड र वसन्तले समग्रमा १ घण्टा ६ मिनेट ५२ सेकेन्डमा निर्धारित दुरी पूरा गरेका हुन् ।
सोही इभेन्टको महिलातर्फ प्रज्ञा मोहन प्रथम, भारतकी मान्सी मोहित दोस्रो र नेपालकी श्रेवी महर्जन तेस्रो भए ।
राष्ट्रिय ट्राइयाथलन इलाइट पुरुषमा वसन्त थारु प्रथम भए । उनले समग्रमा १ घण्टा ६ मिनेट ५२ सेकेन्डमा दुरी पूरा गरेका हुन् । दीपेश चौधरी दोस्रो र मौलिक महर्जन तेस्रो भए । दीपेशले समग्रमा १ घण्टा ९ मिनेट १७ सेकेण्ड र मौलिकले १ घण्टा ११ मिनेट ३ सेकेण्डमा दुरी पार गरे । सुसिम चित्रकारले १ घण्टा १५ मिनेट ८ सेकेण्ड लगाउँदै सान्त्वन भए ।
सोही इभेन्टको महिलातर्फ श्रेवी महर्जन प्रथम (१ घण्टा १८ मिनेट), केशरी थापामगर दोस्रो (१ घण्टा ३२ मिनेट ३१ सेकेण्ड) भए ।
साउथ एसियन पुरुष जुनियरतर्फ भारतको वर्चश्व रह्यो । भारतका खुन्द्रापाम नाम्वा पहिलो, पर्थ मिराज दोस्रो र श्रीदाथ सुधीर तेस्रो भए । नेपालका यदु महर्जन चौथो भए । जुनियर महिलातर्फ भारतकी सन्जना सुनिल जोशी पहिलो, नेपालकी श्रेवी महर्जन दोस्रो र भारतकी देविका शर्मा तेस्रो भए ।
प्रतियोगितामा १९ राष्ट्रका खेलाडीले भाग लिएका थिए । तीमध्ये ४७ पुरुष र १९ महिला थिए ।
ट्राइयाथलनअन्तर्गत दुई विधा ७५० मिटर पौडी, २० किमी साइक्लिङ र ५ किमी दौडको ट्राइयाथलन र ५ किमी दौड, २० किमी साइक्लिङ र २.५ किमी दौडको दुवाथलन हो । दुवाथलन आइतबार हुनेछ ।
सन् २०१९ मा तत्कालीन अन्तर्राष्ट्रिय ट्राइयाथलन महासंघ (आइटियु) ले नेपाललाई एसिया कप गर्ने स्वीकृति प्रदान गरेपछि नेपालमा ट्राइयाथलनको खेलले निरन्तरता पाएको नेपाल ट्राइयाथलन संघ अध्यक्ष नीलेन्द्रराज श्रेष्ठ बताउँछन् ।
Related News
सम्बन्धित समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
hero news full width
मुख्य समाचार
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१