स्याङ्जा । स्याङ्जामा आइतबार दूरसञ्चार तथा सूचना प्रविधिको योगदान विषयक अन्र्तक्रिया गरिएको छ ।
एस सोलुसन्स प्रालिको आयोजना तथा नेपाल दूरसञ्चार प्राधिकरणको सहकार्यमा दूर सञ्चार तथा सूचना प्रविधिको योगदानबारे अन्र्तक्रिया गरिएको हो । अन्तक्र्रिया जिल्ला समन्वय समिति प्रमुख श्रीप्रसाद जिटीले उद्घाटन गरे । उनले राज्यले सबै नागरिकलाई सञ्चार डिजिटल प्रविधिको सदुपयोग गर्दै मुलुकमा सुशासन कायम गरी सार्वजनिक सेवा प्रवाह र आर्थिक समृद्धिको बाटोमा रुपान्तरण गर्ने लक्ष्य लिइएको बताए ।
प्रविधिसम्बन्धी ज्ञान भएका युवा विदेशिन बाध्य हुनुपर्ने अवस्था दुखदायी भएको उनले बताए । उनले भने, ‘सुशासन, अर्थतन्त्रको सबलीकरण, दिगो विकासका लक्ष्य हासिल गर्न, आम नागरिकलाई सार्वजनिक सेवा सरल र सहज बनाउनसमेत प्रविधिको उपयोग आवश्यक छ । प्रविधिको सही उपयोग गर्नुपर्छ ।’
दूरसञ्चार प्राधिकरण योजना शाखा प्रमुख एवं उपनिर्देशक सूर्यप्रसाद लामिछाने र सूचना तथा प्रविधि मन्त्रालयका उपसचिव शिवप्रसाद पोखरेलले डिजिटल नेपाल फ्रेमवर्कसम्बन्धी र डिजिटल नेपाल कार्यान्वयनका अवस्थाका बारेमा छुट्टाछुट्टै कार्यपत्र प्रस्तुत गरे ।
डिजिटल नेपाल फ्रेमवर्कमा ८ क्षेत्रसहित ८० वटा विभिन्न पहलहरु रहेका छन् । डिजिटल फाउन्डेसनअन्तर्गत १९, कृषिमा ११, स्वास्थ्य र शिक्षामा ८÷८, ऊर्जामा ९, पर्यटनमा ७, बित्तमा ८ र सहरी पूर्वाधारमा ११ वटा भिन्दाभिन्दै गरी पहलहरु रहेको कार्यपत्र प्रस्तुतकर्ता उपसचिव पोखरेलले जनाए ।
२०७६ साल कात्तिक ५ गते मन्त्रिपरिषद्बाट स्वीकृत प्राप्त फ्रेमवर्क पन्ध्रौं योजनामा समेत समावेश छ । अल्पकालीन, मध्यकालीन र दीर्घकालीन ३ चरणमा समयसीमा तोकी कार्यक्रम कार्यान्वयनकै चरणमा छ ।
कार्यक्रममा दूरसञ्चार उपभोक्ता, शिक्षक, विद्यार्थी, सेवा प्रदायक कम्पनी र विभिन्न क्षेत्रका सहभागीले इन्टरनेटका आवश्यकता, चुनौती र समस्याबारे सुझाव दिए का थिए ।
Related News
सम्बन्धित समाचार
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१