पोखरा । श्रीपञ्चमी एवं सरस्वती पूजाको अवसर पारेर पोखराको फिस्टेल एकेडेमीले अक्षराम्भ कार्यक्रम, फिस्टेल बुक क्लबको उद्घाटन तथा पुस्तक मेला र खुला विद्यालयस्तरीय कविता प्रतियोगिता गरेको छ ।
कार्यक्रममा साहित्यकार एवं नाट्य प्रतिष्ठानका पूर्व उपकुलपति सरुभक्त श्रेष्ठले फिस्टेल एकेडेमीले सृजनात्मक एवम गुणस्तरीय जोड दिँदै गएको बताए । मानव केन्द्रित चाहाना विद्याबाट प्राप्त हुने भएकाले सृजनात्मक रुपले सुविचार र चिन्तन प्रक्षेपण गर्नु अहिलेको आवश्यकता भएको उनको भनाइ थियो ।
पठन संस्कृतिको विकासमा जोड दिएर बौद्धिक ज्ञान आर्जन गर्न सकिने जनाउँदै फिस्टेलका विद्यार्थीले बुक क्लब गठन गरेर पुस्तक प्रदर्शनी गर्नु निकै सकारात्मक भएको धारणा राखे । सरुभक्तले आफ्ना पुस्तकहरु पागल बस्ती र समय त्रासदीको हस्ताक्षरित प्रति फिस्टेल बुक क्लबलाई हस्तान्तरण गरेर औपचारिक रूपमा क्लबको उद्घाटन गरे । उनले आफ्नो बालबालिका केन्द्रित पुस्तक छिट्टै आउन लागेको पनि जानकारी गराए ।
कार्यक्रममा प्याब्सन कास्कीका अध्यक्ष मथुरा पौडेलले फिस्टेल एकेडेमीले शैक्षिक र अतिरिक्त क्रियाकलापमा खेलेको भूमिका निकै प्रशंसनीय रहेको जनाउँदै शैक्षिक गुणस्तरका लागि आवश्यक पूर्वाधाारमा फिस्टेल अग्रस्थानमा रहेको बताए ।
विद्यालयका संस्थापक सञ्चालक चिनु रानाभाटले विद्यालयले गुुणस्तरीय शिक्षाका लागि आवश्यक सम्पूर्ण पूर्वाधारसहित सृजनात्मक तवरले आधुनिक शिक्षा प्रणालीलाइ अवलम्बन गरेर गुणस्तरीय शिक्षा प्रदान गर्दै आएको बताए । उनले पोखराको फिस्टेल एकेडेमीले गुणस्तरीय शिक्षाका लागि काठमाडौं लगायत विदेशका विद्यालय खोजेर जाने सोचलाई बदल्न सफल भएको भनाइ राखे ।
विद्यालयका कार्यकारी निर्देशक तथा स्तम्भकार दिनकर नेपालले स्वागत मन्तव्य मार्फत शिक्षा, साहित्य र समाजको पारस्परिक सम्बन्धलाई झन् प्रगाढ बनाउँदै जाने जमर्काेका रुपमा कार्यक्रमको औचित्य प्रस्ट्याए ।
कक्षा १२ का विद्यार्थी प्राप्ति लम्सालले सरुभक्तलाई पहिलो पल्ट भेट्दाकोे अनुभव साट्दै विद्यार्थीको लागि सरुभक्त प्रेरणाको स्रोत भएको बताइन् ।
विद्यालयले आयोजना गरेको खुला विद्यालयस्तरीय कविता प्रतियोगिताबाट उत्कृष्ट ५ मा पर्न सफल भानुभक्त आमाविकी अन्जना सुवेदी, सैनिक आवसीय मावि पोखराका प्रवीण ढकाल, त्रिभुवन शान्ति नमुना माविकी रश्मि गौतम, कुमुदिनी होम्स पोखराकी रिया श्रेष्ठ, अञ्जुली आमाविकी सन्तोषी ढकालले कविता प्रस्तुत गरे । उनीहरुलाई सरुभक्त र विद्यालय सञ्चालक चिनु रानाभाटले नगद र प्रमाणपत्र प्रदान गरे । निर्णायकको भूमिका शिव संकल्प, गोपाल खनाल र प्रकाश अधिकारीले निभाए ।
उक्त अवसरमा विद्यालयमा विद्यार्थीहरुले विभिन्न नृत्य तथा गायनकला प्रस्तुत गरेका थिए । कार्यक्रममा विद्यालय संयोजक गिताञ्जली राठौरले विद्यालयका शैक्षिक एवं अतिरिक्त क्रियाकलापको बारेमा जानकारी गराइन् । कार्यक्रममा पत्रकार महासंघ कास्की अध्यक्ष विमला भण्डारी, पोखरा १७, की अध्यक्ष राधिका शाहीलगायतले शुभकामना व्यक्त गरे ।
Related News
सम्बन्धित समाचार
कक्षा १२ को परीक्षा आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
रत्नशोभा माविका भूपू विद्यार्थीबीच पुनर्मिलन
माछापुच्छ्रे मावि व्यवस्थापनमा बमबहादुर
मनिपालमा अत्याधुनिक एमआरआई मेसिन
hero news full width
मुख्य समाचार
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१