पोखरा । पोखरा महोत्सव करिब १० करोडको कारोबार तथा साढे २ लाख दर्शक अवलोकनसहित सकिएको छ ।
युनाइटेड क्लब आयोजनामा अमरसिंह चौरमा भएको महोत्सवको साढे २ लाख दर्शकले अवलोकन गरेका र महोत्सव अवधिमा करिब १० करोडको कारोबार भएको महोत्सवका अर्थ ब्यवस्थापन समिति संयोजक सूर्यबहादुर बानियाँले बताए । महोत्सव २७ पुसदेखि सुरु भएकोमा निर्धारित समयभन्दा १ दिन बढी थप गरिएको थियो ।
महोत्सव समापन गर्दै सांसद मनबहादुर गुरुङले युनाइटेड क्लबको सिको अन्य संघसंस्थाले पनि गर्नुपर्ने बताए । महोत्सवको आयोजना गरी गण्डकी प्रदेशमा नयाँ पर्यटकीय गन्तव्य चिडियाखाना निर्माणसँगै शिक्षा, स्वास्थ्य, खेलकुद र सेती नदीलाई सहसिक पर्यटकीय गन्तब्य बनाउनतर्फ लागिरहेको र त्यसमा आफ्नोतर्फबाट सक्दो सहयोग गर्ने उनको प्रतिबद्धता छ ।
प्रदेश सांसद वेदबहादुर गुरुङले युनाइटेड क्लब आफ्नो उद्देश्यमा अगाडि बढ्दै उद्देश्यलाई पूरा गर्नतर्फ लागिरहेको र त्यसमा आफ्नो सधै साथ र सहयोग रहने बताए ।
मुख्य प्रायोजक बेटर होम एपलायन्सेसका सञ्चालक विनोद रौनियारले महोत्सवमा सहकार्य गर्न पाउँदा निकै खुसी लागेको बताए ।
जिल्ला डिभिजन बन कार्यालय कास्कीका प्रमुख केदार बरालले एउटा क्लबले गरेको सामाजिक काम चानेचुने कुरा नभएको बताउँदै पोखरामा सामुदायिक स्तरको चिडियाखाना निर्माणमा काम गर्ने संस्था युनाइटेड क्लब चिडियाखानाको मातृ संस्था रहेको बताए ।
अमरसिंह माविका प्रअ तेजश्वी बरालले ११ औं पोखरा महोत्सवदेखि अर्चलेमा गरिब तथा जेहेनदार विद्यार्थीलाई लक्षित गरी निर्माण हुने छात्राबास निर्माणको उद्देश्य समेत पूरा हुनेमा आफू विश्वस्त रहेको बताए ।
लेखनाथस्थित पचभैयामा निर्माणाधीन चिडियाखाना अवलोकनका लागि लगभग ८ सय जनाले महोत्सव स्थलबाट निशुल्क बसबाट सेवा लिएको आयोजकले जनाएको छ ।
महोत्सवमा दैनिकरुपमा कलाकारले प्रस्तुति दिएका थिए । अन्तिम दिन सोमबार चोलेन्द्र पौडेल, जीवन दाहाल, तारापति सुवेदी, शंकरविरही गुरुङ, शिवहरि ढुंगाना, तुलसा जिसी, दुर्गा क्षेत्री, कमला सुनार लगायतले लोकदोहोरीमार्फत दर्शकलाई भरपुर मनोरञ्जन प्रदान गरेका थिए । कन्सर्टमा ¥यापर एएनटीएफबाट चर्चित बनेका ¥यापर माइलाको प्रस्तुति रहेको प्रचार संयोजक दिनेश सुनारले जनाए ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१