पोखरा । गोगन मावि, पोखरा–३२ को ५५ औं वार्षिकोत्सव, अभिभावक दिवस एवं पुरस्कार वितरण समारोह सम्पन्न भएको छ । कार्यक्रम उद्घाटन गर्दै पोखरा महानगरपालिका प्रमुख धनराज आचार्य गोगन मावि कास्कीमै उत्कृष्ट ५ भित्र पर्न सफल भएकोमा बधाई दिए ।

उनले महानगरले छिट्टै ‘एक विद्यालय, एक नर्स’ कार्यक्रम ल्याउन लागेको र विद्यालयलाई प्राथमिकतामा राख्ने प्रतिबद्धता व्यक्त गरे ।

कार्यक्रममा पोखरा महानगर शिक्षा महाशाखा प्रमुख हेमप्रसाद आचार्य, गण्डकी प्रदेशका पूर्व सांसद तथा अर्थ विकास समितिका सभापति दीपक कोइराला र पोखरा ३२ का वडा अध्यक्ष अक्कलबहादुर कार्की लगायतले कार्यक्रमको सफलताको शुभकामना व्यक्त गरे ।

सो अवसरमा पछिल्लो वर्षको मूल्यांकनमा उत्कृष्ट हुने शिक्षक कर्मचारीलाई सम्मान गरियो । सम्मानित हुनेमा प्रअ डम्मरप्रसाद पौडेल, लक्ष्मीनाथ भट्टराई, जनार्दन आचार्य, कुलदीप तिवारी, राधादेवी रेग्मी, अजय घिमिरे, रेनु गुरुङ र सूर्यप्रसाद श्रेष्ठ छन् । पूर्व प्रअ चन्द्रावती पौडेल र शिक्षक सुरेशराज ढकाललाई बिदाइ स्वरूप कदरपत्र प्रदान गरिएको थियो ।

विद्यालय व्यवस्थापन समिति अध्यक्ष मेघराज पौडेलले स्वागत मन्तब्य राख्दै १ हजार ८ सय ५३ विद्यार्थी अध्ययन गर्ने विद्यालयलाई शैक्षिक हवरूपमा विकसित गर्न महानगरको साथ र सहयोगको अपेक्षा गरे । विद्यालय प्रअ नारायणप्रसाद बरालले विद्यालयको आर्थिक प्रतिवेदन प्रस्तुत गरे । विद्यालय अध्यक्ष मेघराज पौडेलको अध्यक्षतमा भएको कार्यक्रमको संचालन शिक्षकद्वय विनोद भण्डारी, विद्याकुमारी आचार्य र विद्यार्थी प्रतीक थापाले संयुक्त गरेका थिए ।