पोखरा । प्याराडाइज स्पा एण्ड ब्युटी सलुनले लेकसाइडको सेन्टर प्वाइन्टमा नयाँ शाखा बिस्तार गरेको छ । पोखरा ६ स्थित अंशुभरा विल्डिङको दोस्रो तलामा गत सातादेखि शाखा बिस्तार गरिएको हो ।

रोशन लिम्बु नेतृत्वको युवा व्यवसायीको संयुक्त लगानीमा अत्याधुनिक सेवा दिने उद्देश्यसहित स्पा सञ्चालनमा ल्याएको सञ्चालक लिम्बुले बताए ।

उनका अनुसार उक्त स्पाबाट मेडिकेयर, पेडिकेयर साथै सौन्दर्य कला लगायत विभिन्न किसिमका (फुट मजाज, बडी मसाज) मसाजको सेवा हुने गर्दछ । स्पामा ज्याकुजी, आइस थेरापी, साउना, स्टिमलगायत सेवा पनि प्रदान गर्ने तयारी भइरहेको लिम्बुले जानकारी दिए ।

प्याराडाइजले लामो समयदेखि हल्लनचोकबाट सेवा दिँदै आएको छ । निकट भविष्यमा थप शाखाहरु बिस्तार गर्ने योजनासमेत लिम्बुले बताए । मार्केटिङको क्षेत्रमा फरक पहिचान बनाएका उनले न्यूरोडमा र सिर्जनाचोकमा ड्रिमल्याण्ड फुडल्याण्ड तथा बगरमा ड्रिमल्याण्ड बारबर सप सञ्चालन गरेका छन् ।