पोखरा । संविधान दिवस आज (बिहीबार) मनाइँदैछ । विसं २०७२ असोज ३ गते संविधानसभाबाट संविधान जारी भएको दिनको सम्झनामा हर्षोल्लासका साथ दिवस मनाउन लागिएको हो ।

दिवस मनाउन केन्द्रमा प्रधानमन्त्री केपी शर्मा ओलीको अध्यक्षतामा समिति गठन गरिएको छ ।

गण्डकी प्रदेश राजधानी पोखरामा पनि प्रदेश सरकारले दिवस मनाउन विविध कार्यक्रम तय गरेको जनाएको छ । प्रभातफेरीसँगै सार्वजनिक स्थान तथा सरकारी कार्यालय सरसफाइ र साँझ कार्यालयमा दीप प्रज्वलन गर्ने कार्यक्रम छ ।