लेखनाथ । पोखरा २७ स्थित अर्घौ बजार व्यवस्थापन समितिको १४ औं साधारण सभा पर्यटकीयस्थल हुँडिकोटमा भएको छ ।

आन्तरिक पर्यटनमा बढावा दिने उद्देश्यले पोखरा ३३, हुँडीकोट भएको सभामा सचिव राम थापा र कोषाध्यक्ष प्रभा पौडेलले प्रस्तुत गरेको प्रतिवेदन सर्वसम्मत पारित भए ।

लेखनाथ उद्योग वाणिज्य संघका अध्यक्ष छत्रधर आत्रेयले बजार व्यवस्थापन समितिले सभाको निम्ति हुँडिकोट रोजेकामा खुसी व्यक्त गर्दै यस्ता पर्यटकीय स्थलको प्रचार आवश्यक रहेकामा जोड दिए ।

कार्यक्रममा लेखनाथ उद्योग वाणिज्य संघका पूर्व अध्यक्ष बलराम ढकाल, वरिष्ठ उपाध्यक्ष विनोद श्रेष्ठ, कोषाध्यक्ष भरत ओझा लगायतले बोलेका थिए ।

संस्थाका अध्यक्ष टीकाराम सापकोटाले समुद्री सतहदेखि १२६५ मिटर उचाइमा रहेको हुडीकोट अहिले दृष्यावलोकनको निम्ति उत्कृष्ट गन्तव्यरूपमा चर्चित रहेको बताए । यहाँबाट दूरबिन सहायताले छिमेकका १४ जिल्लासम्म देख्न सकिन्छ ।