पोखरा । नवौं राष्ट्रिय खेलकुदमा पदक ल्याउने खेलाडीलाई पोखराको एक वडा कार्यालयले सम्मान गरेको छ । पोखरा ९ मा स्थायी बसोबास गरेका तथा पोखरा ९ बाट खेलेका १२ खेलाडी, प्रशिक्षक तथा व्यवस्थापकलाई सोमबार सम्मानपत्र, अविर र नगद राशिसहित सम्मान गरिएको हो ।
सम्मानित हुने खेलाडीमा महिलातर्फ फुल कन्ट्राक्ट कराते ४५ केजी तौल समूहमा स्वर्ण पदक विजेता पुष्पा कुँवर, ५० केजी फुल कन्ट्राक्ट कराते पुरुषतर्फ स्वर्ण पदक विजेता अनिश बुढा मगर, स्क्वास टिम इभेन्ट र एकलका स्वर्ण र कास्य विजेता दीपक थापा र स्क्वासमा स्वर्ण विजेता हिराकाजी श्रेष्ठ छन् ।
यसैगरी, बक्सिङमा स्वर्ण जित्न सफल दीपक सुनार, बक्सिङ प्रशिक्षक प्रियंका बर्मा, फुल कन्ट्राक्ट कराँते खुलातर्फ रजत विजेता रुपक नेपाली, पुरुषतर्फ ६५ केजी फुल कन्ट्राक्ट करातेमा रजत विजेता शिव भुजेल र उसु ७० केजी तौल समूहमा रजत विजेता अनीषा आलेमगर छन् ।
यस्तै, टेबुलटेनिस मिक्स डबल्समा कास्य जित्न सफल खेलाडी मुना थापा, फुटबल (टिम) गण्डकी प्रदेशमा काश्य जित्ने मानबहादुर तामाङ र विजय श्रेष्ठ, टेबलटेनिस प्रशिक्षक उत्तम जोशी र उत्कृष्ट व्यवस्थापक अमन केसीलाई पनि उक्त अवसरमा सम्मान गरिएको थियो । स्वर्ण विजेतालाई १० हजार, रजत विजेतालाई ५ हजार र कास्य विजेतालाई ३ हजार रुपैयाँ नगद प्रदान गरिएको थियो । प्रोत्साहनस्वरुप व्यवस्थापकलाई ५ हजार रुपैयाँसहित सम्पूर्ण सम्मानमा कुल ९२ हजार रुपैयाँ प्रदान गरिएको वडासचिव कुलराज पौडेलले जानकारी दिए ।
कार्यक्रममा पदक विजेता खेलाडी र प्रशिक्षकलाई बधाई ज्ञापन गर्दै वडा अध्यक्ष दीपेन्द्र मर्सानीले खेलाडीको दुखसुख आफूले बुझेको भन्दै उनीहरुको थप हौसला प्रदान गर्न सम्मान कार्यक्रम राखिएको बताए । यसको सुरुआत वडा र ९ ले गरेको बताउँदै उनले राम्रा र उत्कृष्ट खेलाडीलाई रोजगारी दिन समेत वडा तयार रहेको आश्वासन दिए । ‘वडाबाट खेल्ने खेलाडीहरुलाई हामीले अब कुनै पनि खेलकुदमा लाग्दा अभाव नहुने गरी कुनै प्रकारको सहयोग गर्न तयार छौं,’ उनले भने, ‘तपाईंहरुले आफ्नो वडादेखि जिल्ला, क्षेत्र हँुदै राष्ट्रको नाम उचो हुने गरी खेल्नुहोस्, तपाईहरुको आवश्यकता हामी पूरा गर्न प्रयत्न छौं ।’
सो अवसरमा कार्यक्रम संयोजक राजेन्द्र पहारी, कास्की जिल्ला स्क्वास तथा ¥याकेट्स संघका सचिव प्रवीण पालिखे, वडा सदस्य भावना श्रेष्ठ, गीता चर्माकार र नन्दराम गिरी,ले भनाइ राखेका थिए । सम्मानित प्रशिक्षक प्रियंका वर्मा र खेलाडी मुना थापाले यसप्रकारको सम्मानले हौसला मिलेको बताए । उत्तम जोशीको समन्वयकर्तामा भएको कार्यक्रमको संचालन वडासचिव पौडेलले गरेका थिए ।
पोखरामा गएको २८ असोजदेखि ३ कात्तिकसम्म भएको नवौं राष्ट्रिय खेलकुदमा त्रिभुवन आर्मी क्लब च्याम्पियन बनेको थियो । गण्डकी प्रदेश समग्रमा दोस्रो तथा प्रदेशतर्फ प्रथम भएको थियो ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१