पोखरा, १४ असोज । स्याङ्जाको फेदीखोला गाउँपालिका १ का वडाध्यक्ष अमृत क्षत्रीले आफ्नो तलबभत्ता वापतको रकम विद्यालयलाई सहयोग गरेका छन् ।
उनले फेदीखोला १ स्थित पर्सेभाटीस्थित शिवालय आधारभूत विद्यालयलाई ३२ हजार रुपैयाँ प्रदान गरेका हुन् । सो वापतको रकम उनले विद्यालय व्यवस्थापन समितिका अध्यक्ष शिवप्रसाद पराजुली, निमित्त प्रअ शान्तदेवी न्यौपानेलाई रकम हस्तान्तरण गरे ।
आफूले प्राप्त गर्ने सेवासुविधाको रकमबाट निजी स्रोतमा १ शिक्षकको तलबभत्ता बराबर हुन आउने १ लाख ४ हजार रुपैयाँ प्रदान गर्ने उनले घोषणा गरेका थिए । बाँकी रकम पनि क्रमशः उपलब्ध गराउँदै जाने उनले प्रतिवद्धता व्यक्त गरे ।
कक्षा ८ सम्म पठनपाठन हुँदै आएको विद्यालयमा शिक्षक कर्मचारी १४ जना छन् । जसमा ४ जना शिक्षक, बाल शिक्षिका र १ जना कार्यालय सहयोगी सरकारी दरबन्दीका हुन् भने बाँकी ९ जना निजी स्रोतबाट तलबभत्ताको व्यवस्थापन हुँदै आएको विद्यालय व्यवस्थापन समितिका अध्यक्ष पराजुलीले जानकारी दिए ।
उनले भने, ‘हामीले निकै कठिन हिसाबले विद्यालय सञ्चालन गरिरहेका छौैं । निजी स्रोतबाट शिक्षक र बस ड्राइभर गरी ९ जनालाई चन्दा उठाएर तलब खुवाएका छौं । जसमा केही सहयोग गाउँपालिका र वडा कार्यालयले गरेका छन् ।’ विद्यालयमा हाल १ सय ९४ जना विद्यार्थी पढ्छन् । आगामी शैक्षिकसत्रदेखि कक्षा ९ र १० सम्म कक्षा सञ्चालन गर्ने तयारी गरिरहेको पराजुलीले बताए ।
Related News
सम्बन्धित समाचार
रत्नशोभा माविका भूपू विद्यार्थीबीच पुनर्मिलन
माछापुच्छ्रे मावि व्यवस्थापनमा बमबहादुर
मनिपालमा अत्याधुनिक एमआरआई मेसिन
कास्कीमा एसइई उत्तरपुस्तिका परीक्षण रोकियो
स्याङ्जा जिल्लाकै पहिलो विद्यालयको ७१ औं वार्षिकोत्सव
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१