पोखरा। गण्डकी प्रदेशका मुख्यमन्त्री कृष्णचन्द्र नेपाली पोखरेलले सीमित स्रोत र साधनका बीच पनि प्रदेश सरकारले आफूलाई स्थापित गराउन सफल भएको बताएका छन् । संविधान दिवस २०७९ का अवसरमा सोमबार शुभकामना सन्देश जारी गर्दै मुख्यमन्त्री पोखरेलले वित्तीय स्र्रोत पर्याप्त प्राप्त नहुँदा, अधिकार हस्तान्तरण र जनशक्ति व्यवस्थापनमा ढिलाइ भएकै कारण प्रदेश तहले चाहेजस्तो गरी काम हुन नसकेको अनुभूति भए पनि क्षमता अनुसार काम गरेर पहिचान स्थापित गराउन सफल भएको बताएका हुन् ।
उनले भनेका छन्, संविधानमा प्रष्टसँग उल्लेख गरिएका कतिपय अधिकार प्रदेशमा हस्तान्तरण गर्न ढिलाइ भइरहेको छ । प्रदेश संरचना नै संघीयताको खास पहिचान हो । वित्तीय स्र्रोत पर्याप्त प्राप्त नहुँदा, अधिकार हस्तान्तरण र जनशक्ति व्यवस्थापनमा ढिलाइ भएकै कारण प्रदेश तहले चाहेजस्तो गरी काम हुन नसकेको अनुभूति भएको छ ।
सहकार्य, समन्वय र सहअस्तित्वलाई संविधानले आत्मसात गरेको उल्लेख गर्दै मुलुकमा राजनीतिक स्थायित्व कायम गरी गरी दीगो विकासका लक्ष्य प्राप्तिका लागि ३ तहका बीच समन्वय जरुरी रहेको बताए । संविधान सभाबाट नेपालको संविधान जारी भएको आजको यो दिन नेपाल र नेपालीका लागि ऐतिहासिक हो । लगातार ७ दसकको संघर्षबाट नेपाली नागरिकले आफ्नो संविधान लेखनमा प्रत्यक्ष सहभागिता जनाउने अवसर पाएको उनले जनाएका छन् । संविधान कानुनी सिद्धान्तमा आधारित राजनीतिक सहमतिको दस्तावेज हो भन्दै उनले यसमा लिपीबद्ध नागरिक अधिकारलाई कार्यान्वयन गर्दै उनीहरुका आवश्यकताको सम्बोधनका लागि हामी प्रयासरत रहनुपर्ने बताए । यसमा प्रदेश सरकार यसमा क्रियाशील रहेको पनि उनले उल्लेख गरेका छन् ।
स्वदेश तथा विदेशमा रहनुभएका नेपाली दिदीबहिनी तथा दाजुभाइमा संविधान दिवसका अवसरमा हार्दिक मंगलमय शुभकामना व्यक्त गर्दै उनले मुलुकमा राजनीतिक परिवर्तका लागि विभिन्न कालखण्डमा भएका आन्दोलनहरुमा जीवन अर्पण गर्नेे सहिदहरूप्रति भावपूर्ण श्रद्धासुमन, घाइतेहरुको शीघ्र स्वास्थ्य लाभको कामना र बेपत्ताका परिवारजनमा सहानुभूति प्रकट गरेका छन् ।
नेपालको संविधानले मौलिक हकमार्फत् प्रत्याभूत गरेका अधिकारको कार्यान्वयन गर्दै आधारभूत आवश्यकतामा सबै नागरिकको पहुँच पुर्याउनका लागि संविधान दिवस २०७९ ले प्रेरणा दिने विश्वास उनले व्यक्त गरे ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१