स्याङ्जा । राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिंङ्देनले गलत नेता र पार्टीलाई भोट दिंदा देश नै बर्वाद हुने बताएका छन् ।
बुधवार स्याङ्जामा आयोजित बृह्त आमसभा तथा पार्टी प्रवेश कार्यक्रमलाई सम्बोधन गर्दै भोट दिंदा छोरी अन्माउदा झैं धेरै सोचविचार गरेर दिनुपर्ने बताए । ‘देशको अवस्था हेर्दा सामान्य देखिन्छ तर सामान्य छैन,’ उनले भने, ‘तीन दशकदेखि नेपालको राजनीतिमा प्रजातन्त्र लोकतन्त्र र गणतन्त्रका नाउँमा सीमित राजनीतिक दलका सीमित नेताले देश र जनतालाई सिन्डिकेट गरी बन्धक बनाए ।’
अध्यक्ष लिङ्देनले सरकार, सरकारजस्तो नभएको र अदालत, अदालत जस्तो पनि र सांसद, पनि सांसद जस्ता नभएको बताए । केही भ्रष्ट नेता र केही भ्रष्ट न्यायाधीशबाट देश चलिरहेको पनि उनको आरोप थियो । चोलेन्द्रशमशेर राणा महाभियोगका भागीदार हुन् कि होइनन् भन्ने कुरा उनका भनाइबाटै प्रष्ट भैरहेको उनको धारणा छ ।
आउदो मंसिर ४ मा राप्रपालाई मत माग्दै देश दौदाहामा निस्केको बताउँदै उनले सही पार्टी र उम्मेदवारलाई मत दिई यसपटक राप्रपालाई हेर्न समेत आग्रह गरे । पटक–पटक अरु पार्टीलाई हेरिसकेको बताउँदै यस पटक राप्रपालाई मत दिन आग्रह गर्दै राप्रपा विजयी भएमा देशको अवस्था नै परिवर्तन गर्ने र भ्रष्टाचार शून्य बनाउने उद्घोष गरे ।
कार्यक्रममा केन्द्रीय सदस्य तोरणबहादुर गुरुङ, हिम्मतजंग कार्की र उदयराज पोखरेल, गण्डकी प्रदेशका पञ्चराम गुरुङ, पूर्व उपसचिव मदनबहादुर कार्की, भूतपूर्व सैनिक संघका केन्द्रीय अधयक्ष प्रकाशजंग कार्की, महिलानेतृ छमकला कँुवर लगायतले शुभकामना सहित राप्रपालाई मत दिई विजयी गराउन आग्रह गरे ।
राप्रपा जिल्ला अध्यक्ष इन्द्रप्रसाद गुरुङको अध्यक्षतामा सम्पन्न कार्यक्रममा तुलसिंह ठकुरीले स्वागत गरेका थिए । कार्यक्रममा नेकपा (एमाले), नेकपा (माओवादी केन्द्र) र नेपाली कांग्रेस परित्याग गर्दै झन्डै २ दर्जन युवायुवती राप्रपा प्रवेश गरेको राप्रपाले जनाएको छ ।
Related News
सम्बन्धित समाचार
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
hero news full width
मुख्य समाचार
मनिपालमा अत्याधुनिक एमआरआई मेसिन
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१