हेमजा । इन्द्रराज्यलक्ष्मी माध्यमिक विद्यालय, लामाचौरले ६९ औं वार्षिकोत्सव तथा अभिभावक दिवस बुधवार मनाएको छ ।
समारोह उद्घाटन गर्दै गण्डकी प्रदेशका अर्थमन्त्री रामजीप्रसाद बरालले स्वरोजगारका लागि सीपमूलक शिक्षाको आवश्यकता औंल्याउँदै नेपालमा संघीय प्रणाली अनुकुलको शिक्षा नीति बनाउनुपर्नेमा जोड दिए । उनले नेपालमा रहेको २ प्रकार (सामुदायिक र संस्थागत) को शिक्षानीति अन्त्य गर्नुपर्ने भन्दै इमानदारीपूर्वक सेवामा लाग्न शिक्षकलाई सुझाव दिए ।
सरकारी नूनपानी खाएका अधिकांश शिक्षक तथा कर्मचारीले छोराछोरी संस्थागत विद्यालयमा पढाएको तर्फ संकेत गर्दै उनले आफैले पढाएको विद्यालय र त्यहाँको शिक्षामा विश्वास गर्न आग्रह गरे। उक्त विद्यालयमा भवन तथा सभाहल निर्माणमा रकम अभाव नहुने आश्वासन दिएका मन्त्री बरालले शैक्षिक प्रर्दशनीको खुलेर प्रशंसा पनि गरे ।
नेपाल सरकारका पूर्व सचिव बाबुराम आचार्यले १५ प्रतिशत विद्यार्थीमात्रै सामुदायिक विद्यालयमा अध्ययन गर्ने गरेको तथ्य पेश गर्दै प्राविधिक शिक्षामा जोड दिए । उनले विद्यार्थीले नैतिक पक्ष, सदाचार, योग, साधना, भ्रष्टाचार लगायतबारे विद्यालय तहबाटै ज्ञान हासिल गर्नुपर्ने औंल्याउँदै पठनपाठनको शिलशिलामा पुस्तकालयको महत्वमाथि प्रकाश समेत पारे ।
पोखरा १६ का वडाध्यक्ष अमृत शर्मा तिमिल्सिनाले धोकन्ते शिक्षालाई निरुत्साहित गर्नुपर्ने भन्दै विद्यालयमा संचालित शैक्षिक प्रदर्शनी निरन्तरता दिनुपर्ने बताए । पोखरा १९ का अध्यक्ष पुष्पेन्द्र पाण्डेले विद्यालय भौतिक पूर्वाधार सम्पन्न भएजस्तै अब शैक्षिक गुणस्तरलाई पनि निरन्तर कायम गर्नुपर्ने औंल्याए ।
विद्यार्थीले बनाएका स्मार्ट सिटी, रोवर्ट, भेषभूषा, विद्यालय भवनका विभिन्न नमुना सामग्री प्रदर्शन
विद्यालय व्यवस्थापन समिति अध्यक्ष कृष्णप्रसाद अधिकारीले बस खरिदसँगै विद्यार्थी संख्यामा बृद्धि भएको उल्लेख गर्दै अब ध्वनि प्रदूषण र सटर व्यवस्थापनमा थप ध्यान दिनुपर्ने बताए ।
प्रधानाध्यापक केशवप्रसाद अम्गाईले सबैको सद्भावबाट विद्यालय संचालन भइरहेको भन्दै करिब एक हजार हाराहारीमा विद्यार्थी पुग्नु उपलब्धि भएको सुनाए । उनले विगतमा सुरु भई बिचमा टुटेको न्यूनतम प्राप्तांक कटौती घोषणा, त्रैमासिक उपलब्धि समीक्षा लगायतका कार्यक्रमलाई निरन्तरता दिने जनाए ।
त्यस अवसरमा शिक्षा महाशाखा प्रमुख हेमप्रसाद आचार्य, नवआदर्श सामुदायिक विकास संस्थाका अध्यक्ष रेश्मा शेरचन अधिकारी, लेखापाल शंकर केसी लगायतले पनि धारणा राखे ।
कार्यक्रमबीच २०७८ तर्फका शैक्षिक पुरस्कार, विभिन्न छात्रवृत्ति वितरण गर्नुका साथै उत्कृष्ट अभिभावक एवं शिक्षक तथा कर्मचारीलाई सम्मान पनि गरियो । त्यस्तै २ दिनसम्म शैक्षिक प्रदर्शनी गर्नुका साथै विद्यार्थी तथा शिक्षकले विभिन्न प्रस्तुति समेत राखे ।
प्रदर्शनीमा कक्षा नर्सरीदेखि १२ सम्मका विद्यार्थीले निर्माण गरेका स्मार्ट सिटी, रोवर्ट, भेषभूषा, विद्यालय भवनका विभिन्न नमुना लगायत सामग्री प्रदर्शन गरियो ।
प्रदर्शनीका सहभागी अभिभावक, छिमेकी सामुदायिक तथा संस्थागत विद्यालयका प्रमुख, शिक्षक तथा विद्यार्थी समेतले अवलोकन गरी सकारात्मक पृष्ठपोषण प्रदान गर्दै आगामी दिनमा पनि निरन्तरताको शुभकामना दिए । विद्यालय व्यवस्थापन समिति अध्यक्ष अधिकारीको अध्यक्षतामा सम्पन्न उक्त कार्यक्रममा शिक्षक अभिभावक संघका अध्यक्ष डिलबहादुर थापाले स्वागत, सहायक प्रअ पूर्णभद्र अधिकारीले धन्यवाद ज्ञापन र शिक्षक सीता पौडेल तिमिल्सिनाले कार्यक्रम संचालन गरिन् ।
Related News
सम्बन्धित समाचार
डुंगा पल्टिएपछि तत्कालै उद्धार
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
कैदीबन्दी न्यायिक सरोकारमा नलबहादुर मनोनित
आगोलागी नियन्त्रणसम्बन्धी सचेतना
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१